عيون العرب - ملتقى العالم العربي - عرض مشاركة واحدة

**Mārionēttē** · #**296** 08-26-2016, 07:55 AM

مرحباً خيتا

كيفك؟

أول شي، ألف سلامة عليكِ
والحمد لله إنه صحتك رجعت منيحة
لأنّه بتعرفي انتِ غالية وما بنفرّط فيكِ

ثاني شي،
طلعتِ من عمري يا بنتي،
يمكن أنا أكبر شوية بس مو كتير فرق :heee:

اممم نيجي لموضوعنا..

الفصل 55 (نصل ثانٍ)

أوّل شي انتِ بتعرفي تختاري عناوين الفصول باحتراف
يعني مو حيّا الله شي
وأنا أولي العنوان لفصولك أهميّة
لأنّه له دور كبير في التشويق

وذكائي المحدود ما أسعفني إنّي أعرف إنه شكل المعيّن هو الماسة
أبهرتيني فيها ^^
وطبعاً مورفان، كل تصرفاته بتعكس كم هو واطي
ياخي النّذالة مصبوبة صب بدمّه

المهم..

طريقة وصفك للماسة الرمادية بعد الدّمار اللي حل فيها كانت حلوة

وأتباعه ما أزكاهم
وراه متل الصيصان هههه
بس والله معهم حق.. هاد ما لازم ينترك وحده
أولاً لأنّه ما فيه منّه تنين اللي نقول بتروح نسخة وبضلّ التانية
وثانيّاً لأنه هداك الواطي مو مضمون أبداً وممكن يئذيه بخديعته مو بشجاعته أو ذكائه.

وخير ما عمل إنزو إنّه معطيه سماعة وساعة وهالشغلات
بتساعد بالأزمة :heee:

أمّا بالنّسبة للأصوات التي كان مورفان يتخيلها
فبالتّأكيد ستفعل
يعني كل هالأرواح ساخطة عليه وغضبانة منّه ومن شروره
(حتى الجدران لو استطاعت نطقاً للعنته)
لأنّه عملته مو عملة
أخ بس
ويا عيني الوحيد اللي عاش عشان يتعذّب هو آلويس
يا ضنايا

وعجبتني فكرة ليليان اللي ضلت محافظة على ابتسامتها لإبنها
بنقاء رغم التعكير اللي مسببه مورفان بالأجواء
أحسنت بهاي النقطة عزيزتي

حسناً..
اللي ضل من الفصل هو كلام مورفان المستفز
وغضب آلويس عليه

هممم بالنسبة لمورفان فغنتِ صورتِ الشخصيّة الشريرة بدقّة
وحبيت هذا الوصف جدّاً.. كنت بحس إنّه كل حركاته مألوفة
وقادرة أتخيلها.. وكنت مستمتِعة بردود أفعاله

أما آلويس برضه كنتِ مصورة ردود أفعاله بطريقة ممتازة

لكن..!

أنا لمته لسرعة غضبه وتأثّره بكلام مورفان
يعني يا عيني انتا جايي وعارف إنه رح يسم بدنك بالكلام ورح يحكي إشيا
مالها داعي
والأكيد إنّه ما كان راح ياخدك بالأحضان

يعني من المفترض يكون متحسّب لأي كلام بده يقوله مورفان
ويحافظ على هدوءه طوال المحادثة
متل ما تعوّدنا عليه

لكنّه عصّب بزيادة وصار عم يصيح و...

هو صحيح كلام مورفان مستفز.. بس هاد هو المتوقّع يعني!

الفصل 56 (مُحاصر باليأس)

جاستين!
الوضع كان ناقصه

أنا من لمّا قالوا الولد اختفى قلت هيرجع ومعاه مصيبة
أخ
الله يعينه آلويس!

بس ما فهمت كأنّه أو قصدي أكيد فيه سر!
كعادتك عزيزتي قنابلك مدوّية

يعني الكونت رح يطمّن عليه وهيك..
ما بعرف شو صار مع جاستين بعد ما طلع من المدرسة
لهيك ما عندي توقّع للموضوع
يلا الله يخفف أضراره..
عندي إحساس إنّه ما هيشكّل خطر كبير
أو ما هيشكل خطر من مرّة
إن شاء الله :heee:

اقتباس المشاركة الأصلية كتبت بواسطة Mygrace

"سيدي هل تسمعني ؟!"

يا عين سيّدك انتا

جاي بوقتك

جاي بلحظة الكونت فكّر نفسه وحيد

والجملة هاي نشلته من حفرة الظلام اللي وقع فيها

ظلام نفسه وظلام أكتر من اللي عنده

ومع كل التعقيد بموقف آلويس
تساءلت شو ممكن يكون الشّي اللي رح يعطيه القوّة
ويطلعه من الغضب ويرجّع له هدوء أعصابه!

حسناً، ما رح يكون فيه أفضل من "آيون"
لهاي المهمّة
فإن كانت أطيافهم السّاخطة تلعن مورفان
(رغم أنّها لم تكن كذلك والدليل ليليان،
أو ممكن لأنه كان آلويس موجود فما قدرت تبين إلّا كل الحب)
فإن أطيافهم الرّاضية ستحنو على آلويس..

خخخخ شي فصحى وشي عامّي
يلّا في شي ما بعبّر عنه إلّا الفصحى :heee:
وأنا بيعنيني التعبير أكتر من طريقة الكلام أو الصياغة!

.........

الفصل 57 (وليد الدّمار)

اقتباس المشاركة الأصلية كتبت بواسطة Mygrace

"آلويس ! أرجوك.."

مأزكاك

عامل متل الأب لآلويس
لكن آلويس ما برد ع أبوه x.x1

هههههههههههه
لا وأحلى شي لمّن كانوا مورفان وجاستين يتقاتلو
ههههه
متل الأولاد الصغار
حسيت الكونت هيموت ضحك عليهم ومرّة يطلع ع هاد ومرّة ع حاد كأنه بحضر مسرحيّة
ههههه
"يا لك من غبي ! هو خصمك و ليس أنا !"

ههههههه.. مش حافظ منيح.. شكله مش دارس الخطّة هههه

يلّا من حظّك يا الكونت

....

همممممم

رونالد كاتر!!

من هذا؟

وما قدرت أعرف مين الشخص اللي كلم جاستين بالمستشفى

يعني ممكن يكون أي حد ترا ما حدا ممكن يتنبّأ باللي براسك :heee:

شكلك هتصيري تنشري فصلين كل يومين؟!
هنضل ملحوقين يعني هههه
والواحد ما هيقدر يقرأ ويهرب هههه

ايييه..
كالعادة استمتعت.. واستمتعت جدّاً

لا تحرمينا من إبداعك
وإزا كان قلقك من عدم نشر شي جديد هو موضوع المتابعة للرواية
فلا تقلقي أنا احسبيني عشر متابعين ههه
القصد إنه الرواية اللي لسّا مو مكملتيها
كمليها
حاولي
وما تخلي حد يثبط من عزيمتك
أنا بآمن فيكِ وبذكائك

فثاااابري

في أمان الله