نورت القسم
~سايا~
السلام عليكم
بداية كنت رح اعمل لايك و أمشي
بس لما شفت التهديد تراجعت عن القرار
موضوع مهم جدا
التكنولوجيا و عالم الانترنت بشكل عام لازم يكون مرحلة متأخرة من عمر الطفل
يعني بداية عمر الاطفال لازم تكون بعيدة عن هي التعقيدات الموجودة في هي العوالم
مرحلة الطفولة لازم تكون مرحلة فيها حركة مو خمول الي تقدمه هي التكنولوجية
امكانية التعليم للمرحلة العمرية هي بتتركز على الحركة و الحس و اللمس و التجربة
و بالتالي اذا اتجه الطفل الى شيء اخر غير ذلك رح يخسر بعض الخبرات االي كان سيكتسبها
من العالم المحيط فيه
هذا غير الضرر الجسدي الي ممكن يلحق بالطفل ، مثل الخمول و البدانة
و مشاكل خطيرة في النظر و السمع
بالنسبة للعنوان " براءة الطفولة "
فعلا ، عالم الانترنت او حتى الالعاب ما بتلقي بالاً لعمر المتلقي
و بالتالي هي البراءة معرضة للقتل دائما
صرنا بوقت اذا بدنا نجمع افراد العيلة ، بس بنطفي الراوتر و بنلاقي الكل بطلع من الغرف و الشبابيك و الجحور :nop:
برأيي ما نحرم حرمان كامل لأنها بتعمل مفعول عكسي
رح تزيد من تعلق الطفل بهي الامور من مبدىء " كل شيء ممنوع مرغوب فيه "
بس لازم نعمل ضبط و ما نخلي الامر عشوائي
لازم تكون في رقابة نوعا ما و تنظيم لأوقات استخدام هي التكنولوجية
و أيضاً تفعيل البديل
يعني ما نعمل حرمان إلا اذا تم تأمين بديل حتى نملء وقت فراغهم
بشيء مسلي متناسب مع أعمارهم
نشاطات خارجية ، رحل تثقيفية تخلي ينسى النت و التكنولوجية
الله يعطيكِ العافية
شكرا لكِ على فتح باب النقاش في هذا الموضوع
كل التوفيق
في أمان الله
*****