|
كنا برمضان هذا العام ، وواجهت مشاكل كبيره جداً واكبر من عمري
و ظلـم من أقرب الناس لي ، واللي وثقت فيهم مرا!
وعشان اهلي يغيرون جوي انا وخواتي "الله يخليهم هالجميلين "
حجزوا لنا استراحه برا برمضان ..
وبعز المشاكل وبعز كل شيء .. فجأه تجيني رساله بتويتر
أ.أمل ؟
نبغاك معنا بصحيفه "اسم الصحيفه"
ممكن تصيرين معنا ؟
انا هنا نسيت كل شيء ووافقت على طول
واعطيتهم رقمي وتكلمنا واتفقنا على كل شيء
"ومن هنا بدت مسيرتي الاعلاميه ولله الحمد"
وقضيت معهم شهرين تقريباً وخليت صديقاتي يدخلون معي<يعنني واسطه .
الزبدة كانت من أجمل اللحظات هذا الاتصال
مثل ماقلت قضيت شهرين تقريباً وانا معهم
وبعد هالشهرين تقريباً ، صايره عندي اعمال مستقله غير الصحيفه
ودخلت في فريق تطوعي كمان .. وشوي شوي
صايرين يطلبوني الناس "ولله الحمد"
بعد فترة الله كتب لي وانضميت لصحيفه كبيره في تبوك ولله الحمد
وطلعت من هذيك بعد اتفاق بيننا والامور زينه .
وللحين مستمره مع ذي الصحيفه ، كمان محرره صحفية لمركز مهتم بالشعر ..
وخلال 4 شهور الله وفقني ولله الحمد
وراضيه تماماً عن كل انجازاتي
بعد انجازاتي بهذه الفتره
الله كتب واجتمعت مع الناس اللي ظلموني .
ولله الحمد اسلوبي تغير فكري تغير
ماعادوا يهموني صاروا كل مايحاولون يظلموني ويرجعوني لورا
تجيني فكرة واستمر لأعمل لقدام .
لأقدم شيء انا ابغاه واسكتهم .
وهالحين حرف واحد مب قادرين يقولونه .
اللهم لك الحمد حمداً كثيراً
لكن تمنيت حضور أمي فقط بكل انجازاتي لتكون فخوره فيني
وبتبقى هي اول سبب لطموحاتي
ببقى دائماً اقول انا بنت هيله .
-و القادم أجمل بإذن الله -[/color][/size][/b]
__________________
فك الحلم اجنحتي .. انا ايضاً اطير .! |