09-16-2016, 05:59 AM
|
| |
#سبيريت_و_اقتراحات_ابوها_للفستان_المقطوع
بنهاية شهر ذو القعدة استقبلنا عرس لبنت خالتي بولد خالي
وبنت خالتي الثانية لواحد من عايلة ابوها .. المهم
وقتها كان كل البنات في تنافس مين تطلع الاجمل عاد عارفين
الاعراس مكان اختيار الامهات زوجات لعيالهم ..
ايوه .. اشتريت فستان عودي غامق يجي لنهاية الساق او اقصر بشششوي
حتى يكون النقش ع رجلي حق الحنا باين وما يروح باطل فجلس ابوي يخاصم
ليش قصير كذا ؟ يعني يبغاه يغطي رجلي ح8
فقلت له عشان الحنا ع طول سكت 
لكن الشي اللي ما توقعته ان الفستان انقطع من عند الظهر
وبقي يوم ع الزواج ومو محصلة وقت اخيطه انا بنفسي واساسًا موب ملحقة
اوديه عند خياط فشافني ابوي والهم ع وجهي وشكلي جايبة العيد
وطبعًا رحت اشكي وابكي عنده ..
فقال : عندي الحل !
فجلست بأدب حتى اقدر اسمعه بانصات ..
فقال : بعطيگ ثلاثة اقتراحات واللي يعجبگ سويه .
وانا لسه مركزه معاه ..
قال : الاول اربطي نفسگ بكرسي القاعه يعني لو رحتي بترقصي الكرسي معاگ
يغطي ع القطع ..
او خلي بنت عمگ تلصق بظهرگ وتغطي ع القطع
او امشي ع جدران القاعه ولا تعطي احد ظهرگ ..
ماخليته يكمل الرابع لاني عارفة انه بيكون زي اللي قبله ..
المهم ماعليكم ساعدتني امي وانتهت المشكلة وحضرت الزواج وتم
كل شي ع خير ولله الحمد ..
هو بس لا تستغربوا خفة دمي من وين جايبتها واكيد عارفين شخصية ليجين
العجيبة من مين اقتبستها الحين :lamao:
__________________
" قابليّةُ الصمود . "
. .
|