اية و الله يا كوكو :")
حتى احنا نطالبوا ببداية الدراسة في 9 10
ننتظروا ف البلدية تعلن رسمي
لكن المشكلة حتى لو ابتدينا دراسة
وين الكتب و وين التجهيزات ؟؟!!
نرجعوا لمشكلة السنة الماضية !!
امتحنا نص السنة بدون كتب رسمية !!
فصل كامل فية ممكن 5 او 6 طلبة بسسسسْ عندهم كتب قديمة !!
كيف بنلحقوا عالمنهج بالطريقة هذي ؟؟!!
السنة الماضية كانت اصعب سنة شفتها بحياتي في الدراسة
المجهود اللي كان علينا بذلة علشان نجيب درجات كويسة مضاعف 5 مرات عن السنين اللي قبل !!
و واضح ان السنة هذي حلوة من بدايتها
اصلا من 5 دقايق
التلفزيون يقول ان الدراسة تبدا 2 10
و الراديو يقول 24 10
لأن الراديو يتبع حكومة الوفاق
و التلفزيون يتبع حكومة الإنقاذ
انت من تصدق من بينهم !!؟
شي يخلي الواحد ينتحر من جد !!
و الله أخرتها يجو اليوم و يقولوا لك بعدة بكرا دراسة جهز حالك !!!
الحكاية صارت أغرب من الخيال و الله
عايشين ف بلاد الرعايش
خبروني رايكم بصراحة في الموضوع
ربي يصبرنا على البلاد
و الحكومتين اللي فيها
يب يب مشكلة انتو يلي تقروا في مدارس الآن كتب مش متوفرة
انشوف في خواتي بنات كيف صاير
فيهم وبوي صغير نقصد شن هذا
مخلينكم توفروا كل شيء بروحكم تبااا للناس هذو
استغفر الله ربي يستر وان شاء الله تتعديء
سنة هذه علي خير
أما بالنسبة للحكومتين لنا لا نبي هذه ولا هذه
الزوز ما يمثلونيش وحتى حفر لا انا انا بس
لا حكومة و لا حاجة ي اختي فددونا 
عندك علم في أسبوعين هذو بس عرفت ان عندنا حكومتين
ما نتابعش في أخبار لهذا انا في عالم بروحي عايشة مستريحة
#كوثر