عيون العرب - ملتقى العالم العربي - عرض مشاركة واحدة

**Elizabeth#** · #5 10-03-2016, 07:37 PM

السلام عليكم ورحمة الله وبركاته

كيفك لولو؟؟
ان شاء الله بخير (:3

آسفة ما قدرت افك الحجز بالسابق ح1
واسفة ع التأخير :-)

بسم الله الرحمن الرحيم

نبدا بالعنوان:
" اسطورة انستازيا الحلم المستحيل "

بصراحة، ما كنت اتوقع انكي رح تكتبين ع انستازيا،
بس تشوقت كتير لما قرأت العنوان لاعرف ايش بموضوعك :-)

المقدمة:
" عش كما تريد انت
فانت ملك حياتك وليس العكس
اصنع مستقبك بنفسك اجعل كل ماحولك ملك ليدك
تذكر هاذ الكلام جيدا
قبل ات تتسرع بفعل اي شيء فكر
وقبل ان تنطق باي حرف استمع
وقبل ان تستسلم حاول "

بحس انو في المقدمة بعض الأخطاء،
او حتى زيادة في الحروف وهكذا...

" عش كما تريد، فأنت ملك حياتك لا العكس،
اصنع مستقبلك بنفسك، اجعل كل ما حولك
ملك ليديك، تذكر هذا الكلام جيداً،
قبل ان تتسرع بفعل شيء فكر،
وقبل ان تنطق بأي حرف استمع،
وقبل ان تفكر بالاستسلام حاول "

شو رأيك بالتصحيح، هل هو افضل ام لا؟؟
انا لا اقول انكي سيئة بالكتابة، بل العكس،
فقد اعجبتني آخر ثلاث جمل كثيراً،
لانها كالحكم، صحيحة، وايضاً اخطائك بالمقدمة
ليست كبيرة بل عادية :-)

نروح للمضمون:

احكيلك الصراحة، طريقة سردك رائعة جداً،
حتى انك وصفتي، الى اني ما فهمت القصة
شوي، يمكن لانها ملخبطة، كل الي بدك اياه ترتيب
بالافكار، عشان تكتبي فكرة وبس تخلصيها تروحي
ع الفكرة التانية، ما تفكري اني هيك، لا انا زيك ما بعرف
اكتب منيح، بس لاني حدرت الفلم تبعها، كنت فاهمة القصة
من البداية

لاحظت بالمضمون عندك اخطاء، وهي بعضها،
ما رح احكيلك اياهم كلهم، انتي اقرأي القصة ورح تلاحظيهم
بسرعة:

* " ( هاهاها جاهلة انتي هاهاها) "

هون كان لازم تعكسي بين كلمة جاهلة وانتي
فبتصير:
" ( هاهاها انتي جاهلة هاهاها ) "

* " قبل 12عشر سنة من الان وتحديدا في منصف النهار "

هون، انتي كتبتي رقم 12 فما في داعي تكتبي وراها
( عشر )، وكمان يفضل بالقصص والروايات كتابة الرقم او الارقام
بالكلمات، فبتصير:
" قبل اثنا عشر عاماً من الان وتحديدا في منصتف النهار "

* " ولا احد يعرف المدخل الى نحن "

كلمة ( الى ) انها حرف جر، انا اعرف ما كنتي
تقصدينه من وضعك اياها اي كنتي تريدين القول:
" ولا احد يعرف المدخل إلّا نحن "
وقد كثرت هذه الغلطة لديكي في القصة.

* " و انت علمني ان لااستسلم "

علمني، بما انكي لا تأمرين الشخص الآن،
فكان يجب ان تضعي ( علمتني ) فبتصير:
" و انت علمتني ان لا استسلم "

وكمان بتمنى تقرأي القصة كمان مرة، في كتيييير
اخطاء املائية، فلو انك تأكدتي منها بالمعجم لكان هذا
احسن، بس ببصملك بالعشرة، طريقة سردك ووصفك
القليل، سيدفعانك لتصبحي كاتبة ماهرة في يوم ما حب9

الخاتمة:
" انا انستازيا المراة التي لم تعرف المستحيل
المراة التي جعلت المستحيل ممكنا و الممكن مستحيلا
المراءة التي تملك قوة الاسود
وعزيمة الاباطرة
وارادة الملوك
وثقتوا بنفسي وامانة ان لي حلما سيتحقق مع مرور الزمن
لم اهبى لما قالا لي الناس فهم مجرد ضعفاء لم يحاولوا
نفضت الغبار عني وانطلقت نحو الهدفي مصوبة اياه
تقبلت قدري مر وعشته كم كتب لي
هذا ما علمتني اياه الحياة
وعلمني اياه الحلم المستحيل "

وفي كمان بالخاتمة بعض الاخطاء، بس هاض رح يكون
واجب الك، اقرأيها، وصححيها، وازا بدك ابعتيلي اياها
ع الخاص عشان اشوفلك اياها، وفي كمان شغلة، علامات الترقيم،
هي كتييييير مهمة، ازا ما كتبتيهم رح تخربي من القصة،
فشوفي الترتيب، سطرين طوال، وسطر قصير، ما بطلع منظر حلو،
اكيد فهمتي عليّ، وبس غير هيك اعجبني كلامك بالخاتمة،
وانا بانتظار حلك للواجب يا لولو

واخيراً
بارك الله فيكي
جزاكي الله خيراً
والله يعطيكي الف الف الف عافية

بتمنى ما اكون ازعجتك بردي،
وبتمنى اكون افدتك ببعض النصائح (:3
وازا كنت ازعجتك سامحيني.

في امان وحفظ الله

~ تحياتي ~