.
ما اقدر انسى..!
ليه تقول وانت تدري ان القلب حساس؟!
ليه تقول وانت تدري ان اللي بينا.. مسافات
لو هف بيا الشوق.. لو نارا بقلبي اشتعل..
ما يطلع بيدي غير دعوة أشكي لرب الناس!
ليه تقول وانت عامل بهالناس العجب
شهر.. شهرين زمن يا ما تخاف ربك !
تاري لو طالت بيك المجالس..
تنهنه قلوبهم شوق وتعب!
ليه تقول.. وانت تدري ان كلمتك ما تمر ع القلب مر الكرام
وانت تدري انه ينشغل بيك تارتن دعاوي وتارتن قهر
وتارتن يتذكر انه رغم الوداع ما ودعك
وما بلغك من جد السلام..
ليه تقول..؟
كنت تظنني أنسى؟
لا واللي خلق هالقلب ماني بناسي
أروح وين بذكراك وباحساسي
وأروح وين برسالتن محفورتن بالفضا
والعين مع كل رمشة تشوفها.. يا قاسي!
يا ريتني ما عرفتك..!!
ولا عشت لذا اليوم اللي فيه كلمتك..
ولا سمحتلك ترسم بقلبي خطوط
كل ما عبرت فيه وذكرتك..
اتألم..!
ولا من جروحي أتعلم..
يا ريتني كنت قسيت عليك
صديتك حتى ما تطيق معي تتكلم..
كنت ما قلتلي..
ولا عرفت باللي صار
وكنت انتا رحت وانا مدري بالأخبار
كنت ارتحت.. وقلت هو ما كان يبي يقول..
ليه تقول..؟
احتارت معاك الحروف
وانا كل ما جيت اكتب عنك
تدمع العين وما أشوف
تدري معزتك.. ؟
ما تدري..
لو كنت تدري ما كنت تقول!
ليه تقول
.