عيون العرب - ملتقى العالم العربي - عرض مشاركة واحدة - قلمٌ ذهبيّ || shut up and be you

**Mārionēttē** · #24 12-13-2016, 08:20 PM

السّلاام عليكم
كيفك آميو؟

نمشي حبّة حبّة..

أنا كنت بسأل حالي إيش اللي ممكن يصير بهالفترة القصيرة؟
فلقيتك بأول الفصل قلتي إنّه مرّوا 3 شهور.. شي منيح
وخاصّةً إنّه خلال هدول ال 3 شهور استقرّت أمور البنات واعتادت كل وحدة منهم على الحياة الجديد
برغم إنّه كل وحدة منهم مش سَعيدة.. أكيد.. لأنّه في النّهاية هي مش عايشة حياتها الحقيقية

لكن لمّا كل وحدة منهم ترجع رح تلاقي الأمور أفضل..
وخصوصاً البغيضة مي :noo: بكرهها هالبنت.. ليه توافق على زواج إم ساي؟! :noo:
في حين المسكينة ساي عم تزبط بأمور مي العائليّة.. أخ منها مي بس.. الله يهديها

بعدين تعي لهون

كيف بدها تتزوّج هيجيكاتا؟

هو عرض عليها الموضوع يعني؟!
الموضوع طلع فجأة فما فهمت.. يمكن رح يتوضّح بالجزء التاني..!!
وأنا قدرت أتخيّل رد فِعل مي

والصّراحة شفي غليلي

وسوشيرو الغبي.. كان خاطري يحب اللي اسمها ساي.. لكن شكله معتبرها صديقة !!
وبالنّسبة للاستفتاء اللي عاملتيه.. فأنا بأيِّد يحب ساي

وأعتقد صدّقها.. ليه ما يصدقها؟ همممم.. ممكن لأنّه لاحظ اختلاف التّصرُّف ما بين التنتين!! هممم.. ما بعرف!

وبالنّسبة لي ساي مو غلطانة بشي.. أصلاً تجنّن هالبنت
ساخِرة.. وجدعة.. وتشبهك

وبحب السّرد بشخصيّتها

آآه من هُنا نيجي للمُهم..

برجع بقول طريقة سردك وأسلوبك السّاخر بتعجبني..
وكيف إنّه اللي بتفكِّر فيه الشّخصية هو السّرد..
ومكتوب بطريقة بسيطة وسهلة .. واللي بتعكس صدق الشخصيّة..

متل هذه الاقتباس:

اقتباس:

المشاركة الأصلية كتبت بواسطة آميوليت#

أريتُه ما توقفت عندُه كثيرًا في مُذكرات "مي" ، عن كَون أُمها خائِنة لأبيها ولا أحد يعلم سِوي "مي" !!
هذا يُفسِر عدم إنقاذِها لي عندما سقطت عن الدرَج !! كانت تُريد التخلُص مني !! .. أو علي الأصح من "مي" !
أخبرتُه أن "مي" لم تكُن تنوي فضحها ، لكنني لستُ "مي" !!
لكنها أُم "مي" ! لا أستطيع فعل هذا !!
لكنها لم تُنقذ "مي" !!
وأيضًا تُعامِل أبي كمُغفل ! لا أستطيع أن أبقي صامِتة !!

ما بعرف لكنّه كتير أعجبني

الخُلاصة إنّه سردك جذّاب ببساطته ولمحة السّخرية فيه وتجسيده لمشاعر الشّخصيّات.. ببساطة

امممم

ركزي شوي مع الألف المقصورة.. فكلمة "إلى" و"أخرى" و"على" و"حتّى" وغيرهم.. الألف المقصورة بلا نقاط
يعني ما تكتبيها ياء.. شفتك كتير كاتبتيها هيك..

استدعائها >> الصّح "استدعاءَها" (لأنه موقعها مفعول به وبالتّالي الهمزة تكتب على هاد الشّكل)
طالّة >> أعتقد "مُطلّة" أفضل!
حيالَ ما أنوي فعلُه >> الصّح فعلَه
اختفائها لم يُعِد ابتسامتُه !! بل أسقطُه>> الصّح: اختفاؤها ، ابتِسامَته وأسقَطَهُ
جَذَبت ذِراعُه لأضعُه>> الصّح: ذِراعَهُ ، لأَضَعَهُ

اممم.. هدول اللي شفتهم وأنا بقرأ..

الفصل بأحداثه كان جميل..

وما بعرف إزا أنا الوحيدة اللي فرحت إنه النهاية ما رح تكون قريبة

ههه

على كلٍّ

سُعدت بالقراءة.. والله يعينك على الجريدة اللي فوق :heee:

إلى اللقاء