10.01.10
"10.1.2010"

قبل 6 سنين بالتحديد انولدت بنت صغنوطه اسمها " ملك " واللي هي بنت اختي
بحكيلكم عن تفاصيل اليوم اللي اجت فيه على هالدنيا هع5داي طبعا انا ما بعرف شو التفاصيل
كيف راحت على المستشفى كيف بلا بلا بلا انا بحكيلكم مغامرتنا انا واخي
هلا المفروض انه تتروح على مستشفى بالقدس بس ما بعرف شو صار وقتها وحولوا المشفى
لمدينة تانية "بمدينة بيت لحم " فيعني ملك غير عن كل العائلة مواليد بيت لحم xD
ما علينا هلا انا كنت بصف خامس وكان عندي فترة امتحانات وعلى حظي الحلو
كان باليوم اللي بعده علي امتحان فغونسي (عامله فيها فرنسية ) وكان من احب الامتحانات علي
لانه بس بدرس اوراق العمل فاول ما روحت درست وخلصت الا اخي جاي بيحكيلي يلا بدنا نروح
نشوف الفرد الجديد xDD كان اخي بصف ثامن بس xD رحنا شرينا علبة سنكرز زي الامامير
بتعرفوا موجبين وبدنا ناخد هدية الفيلم الاكبر اللي صار اني نسيت الهدية بالتاكسي والاشي الاحلى
انه اصلا اخي كاين ما كل منها xDDD يعني على الجهتين مفضوحين طبعا اكلت بهدلة محترمه من اختي
بس عادي اصلا فداي هع5هع5 وصلنا الشفى وشفنا اختي وفجاة خلص موعد الزيارة ولازم بعد ساعتين نرجع
اذا بدنا نشوفهم كمان مرة فبدأت العباطة xD فامي ضلت عندها كمرافق وانا واخي واختي التانية وابو ملك
رحنا تجولنا بس للاسف الدنيا كانت مطر و برد جدا فانسحبنا تكتيكيا ورحنا على ميلانو
بالزبط مطعم بيتزا xD وبعد ساعتين رجعنا وشفناهم وشافونا ونسيت التكملة
انا اللي محزني انه حمود كان عمره سنة ونص بس ما تهنا بطفولته جابوله ضره هع5هع5
بس حبيت احكيلكم XDD