السلام عليكم نوتيلا اللذيذة
ااقصد الجميلة
كيف حالك
تصدقي
بفضل اقرا قصص من تاليف الاعضاء اكتر من القصص المقول
اسعدني رؤية قصة من تاليفك هنا
بس شغلة مهمة
بدك تنتبهي للسرد
ما تستعجلي وانت عم تخبري بالقصة
يعني كانت كأنك عم تخبري صديقتك شي صار معك باختصار
تقرير سريع
بينما انت بدك تعملي عمل ادبي متقن
شفتي الفقرة الي كتبتي فيها اغلق الباب اغلق... واغلق...
الفقرة كانت جيدة
تعبير رائع عن حالة نفسية الشخصية وما الت اليه
ما ضروري القصة كلها تكون هيك
والا بتخنقي القارئ
يعني خلي الشغلة بس بالمواقف الحساسة
مثلا لما تعرفت عالشاب
زيدي شوية وصف
مثل انو كان مبين شاب رزين او شاب لعوب او ما بعرف شو
كيف اغواها بكلماته المعسولة وهالاشيا يعني
مواقف بتحسي لازم تعطيها حقها اكتر من مواقف
وانت اجدت هالشي بمطرح كما قلت لك فوق
يعني الموهبة عندك موجودة بس بدك تتمرني اكتر ^^
اظن هذا الانتقاد الوحيد
لغتك منيحة
فصيحة تارة وساخرة عند مواقف السخرية ك (برجها السخيف)
الشخصيات
شخصية الشاب كما سبق وذكرت ما كتير واضحة غير انه شاب حقير وخسيس
والله الاعلم بكم بنت عمل نفس الي عملو بهالبنت
اما البطلة
رايحة عالجامعة لتفتش عن الحب
تروح عشي مقهى
عشي مكان رومنسي
ما لاقت الا الجامعة
الجامعة هي تابعة المتاعس (مدارس)
يمكن كرمال هيك كانت نهايتها تعيسة
لانها تعرفت عالشاب بمتعسة
البنت غبية وبريئة
يمكن لان ما كان عندها اهل يوجهوها
وتعلقها بالقصص الرومانسية زاد الطين بلة
ممم
العنوان واضح وصريح
مناسب جدا للقصة
اظنك انت الي حطيتي هيديك المرة بنت انتحرت
بسبب طرد الدها لها من المنزل لانها
فضلت المال على عائلتها
الا اذا كنت غلطانة
يبدو انك تراجيديية درجة اولى
اما بالنسبة للاحداث
شاب خسيس بيتعرف على بنت عذوقه وبيلاقيها فرسة مناسبة
وهي بتتعرف على شاب بتفكره على ذوقها وبالاخر بتنصدم
وبالاخر هي الي اكلتها
مسكينة
لو مخترعين مشنقة للشخصيات المجرمة
كنت ارسلته لعندها واتخلصت منه
امثاله ما بيستحقو يعيشو :heee:
وهي الغبية وما تعلمت الدرس الا بعد فوات الاوان
واذا بيهمك الامر
بتقدري تنسقي القصة عبر طلب تصميم من موضوع طلبات التصميم
بعد ما تحيبي صورة من غوغل من وحي القصة
بتحطي الصورة بموضوع الطلبات
وبترجعي بتكتبيلهم شو بدك بالضبط
هيدر خلفية فوتر فواصل والخ...
لما يجهز التصميم بتركبيه او بتطلبي مني او اميليوت تركبلك اياه
اظن هذا كل ما لدي
اتمنى رؤية المزيد من ابداعك هنا ^^
في امان الله