السلام عليك فريال
كيف حالك
مبارح نمت بكير لليوح الصبح لشفت الرسالة
وما قدرت رد لاني انشغلت شوي
وبعدان نسيت bla1
المهم بجاول عالاسئلة هلاء
السؤال الاول
اذا ابني سألني عن الموت ممم
ما بعرف، يعني انا خاولت كتير اخفي الشغلة عن ابني
ما كان الي خلق هبرو عن الموضوع لان بعرف رح يفتخلي سلسلة اسئلة لا متناهية
بس هو عرف من حدا غير
كان عندو عادة يسال عن مكان اباء العالم
يسألني وينو بييك قلو مطرح نا هو
يقلي وين هو قلو هونيك
بالاخر سأل حدا تاني عن مكان بييه فقلو انو بيو مدفون بالجبانة (المقبرة)
وسأل ابني شو يعني وبلش هيداك الشخص يشرحله وانا اتفرج من بعيد
وبعدهة ضل كم يوم يسأل عن الامر
انو ليش بكبو عليه تراب وليش بينوت وكيف وهول الاشيا
الصراحة معاش ذامرة منيح الشغلة
بس كانت ردة فعله اسهل مما توقعت
واخواته تعلمو منه وصارو يعرفو من غير ما حس
بس البعض حذرني من ان قلهم انو بيروخو عالجنة الخلوة اذا ماتو لان الولد بيصير بدو ينتحر ليروح عالجنة وفعلا وحدة هيك عملت يعني
فانا خفت وصرت قلو لابني انو اذا مات يمكن يفوت عالجنة ويمكن يفوت عالنار
اذا كان شاطر وبيسمع كلمة ماما بيفوت عالجنة <<< بستغل الفرص ههث
واذا كان كسول بيفوت عالنار
وهكذا يعني
شو بقية الاسئلة

اذا سمعت ولد عم سأل هالسؤال شو بعمل؟
بفقعو كف
بسأله من وين حاب هالسؤال
وين سمع هالكلمة وبفتح معو تحقيق

في حال ابني تلقى الهبرية بطريقة سلبية بقلو انو هاي طبع الحياة
بس مش نهايتها
اذا كنت شاطر كتير بتفوت عالجنة كرمال هيك حاول تكون منيح بهالحياة حتى تكون حياتك بعد الموت اجمل
بحاول برفع معنوياته يعني

انا ما ذاكرة امتى عرفت بالموت
الشغلة كانت قديمة جدا
احتمال عرفت من التلفزيون
رسوم متحرمة كنا نتابعه ونحن صغار او شي هيك
يعني ما ذاكرة كنت مصنفة الشغلة مرعبة او جميلة
بس اكيد ما كانت فكرة جميفة يعني

بس امي خبرتني عن لما مات اخوهاةالصغير وهي كانت بعدها صغيرة
شافت الكل عم يبكي وما عارفة ليش
سألت امها قالتلها ان اخوها طلعلو جوانح وصار ملاك وطار عالسما
وقتها امي استغربت انو ليش غم يبكو
المفروض ينبسطوله
هي تمنت وقتها لو تروح معه

اما اخي الاكبر مني فهو كان يعرف عن الموت
بس كان فكره انو الواحد ما بيموت الا لما يصير خطيار
ولما كان قاعد مع ابي وبعض اصدقائه وسمع ان الواحد معرض للموت حتى لو كان صغير
وقتها اكتئب ويأس من الحياة من صغره
بشكل عام هول الاشيا الي بعرفها عن الاطفال وتفكيرهم عن الموت
موضوع مهم بس اجا بعد وقته
كنتي لازم تحطيه من سنتين او 3
هلاء ولاظي صارو يعرفو عن الموت

شكرا على الدعوة
دمت بود
في امان الله

__________________