03-24-2017, 02:37 AM
|
| |
= الملجأ بينهار ع اللاجئين، ما؟
***
فكرة إنّك تخسر إحساسك بكل شي، وإحساسك إنك بتعمل شي خطأ من عدمه،
وإحساسك إنك فقدت شي عظيم من عدمه، وإحساسك إنك بخير من عدمه،
وإحساسك إنه هالإنسان الي قدامك بينجرح من كلامك من عدمه، وقدرتك على
البكاء من عدمها، وقدرتك على إظهار عكس الي بتحس فيه من عدمها،
وقدرتك على الاحتفاظ أو الاهتمام بشخص من عدمها، المهم إنك فقدت إحساسك
بأي شي وبكل شي، وما عم تحِس بواجبك تجاه حَدا، ولا بتحس إنك مضطر
تعطي تبريرات لحدا، ولا بتحس إنه لا مش لازم أقول كذا لأجرح حدا،
بس إنه كل شي صار سيّان.. والوجع الي كان عم يلتهمك اختفى،
بس أنتَ عارف إنك متحطّم بس مش حاسس..
وفي فرق بين المعرفة وبين الإحساس.
هيَ فكرة، بس أنا التطبيق مش أكتر.
|
__________________  رغمَ الزّوالِ فيكَ، لا زلتَ جُرمًا. |