الموضوع: قلمٌ ذهبيّ || لعبة بين يدي حاقد
عرض مشاركة واحدة
  #163  
قديم 04-14-2017, 03:08 PM
 
السلام عليكم ورحمة الله وبركاته ..
وأخيـــــــــــــــــــــــــرا تم بحمد لله الإنتهاء من روايتي الأولى : لعبة بين يدي حاقد ..
للمرة الثانية رح أفارق أبطال هذه الرواية ، المرة الأولى لمن كتبتها والمرة الثانية لمن راجعتها وعدلت في فصولها ..
فراقها بالنسبة لي مؤلم جدا جدا .. أحس وكأني أفارق أصدقائي ..
حزنت لحزنهم وتألمت لألمهمز5 .. فرحت لفرحهم وسعدت لسعادتهم..
فعلا الفراق شيء صعب جدا ..


جوليا .. سوبارو .. ياماتو .. روز .. كازوما .. روك .. آلبرت ..
هذولا الشخصيات من المتميزين عندي .. كل واحد وله مكانته في قلبي ..

لمن كنت أقرأ الرواية كقارئة وليس ككاتبة لاحظت شيء ما كنت ملاحظته اء1.. ما أدري إذا حسيتوا إنتوا كمان ولا بس أنا ..
انتبهت إن معظم الشخصيات ( إذا ما كانت كلها ) فيها خصلة مشتركة .. ألا وهي الإستفزاز ..
صح إن سوبارو أكثرهم إستفزازا لكن مع ذلك الكل كان لهم ردود ومواقف مستفزة ..

فجلست أسأل نفسي .. ليش هذه الصفة تحديدا مو صفة ثانية ؟؟
إلـــــــى إن وصلني الجواب في يوم من الأيام .. يووم جلست مع صحباتي وكنا نتكلم .. هنا صارحوني إني إنسانة مستفزة مــــــــــــــــــــــرة ..

ما توقعت إن إلي حولي يشوفوني بهذه الطريقة .. يعني أحيانا أنا أكلمهم بطريقة عادية لكن نتهي الحال بإني أستفز إلي قدامي لا شعوريا.. الله يعين إلي حولي علي ..

***

من أكثر الشخصيات إلي تعلقت فيها هو كازوما وروك .. عشقت ذكائهم .. رزانتهم .. رجاحة عقلهم .. وكللللل شيء فيهم ..

في البداية ماكنت حاسبة حساب روك .. يعني كنت حاطة في بالي إنه شخصية ثانوية لا غير لكنـــــه فرض نفسه علي بذكاءه good2..
روك جمع بين الحنان والصرامة والدهاء .. فعلا فخورة لوجود شخصية مثله في روايتي ..

كازوما .. بداية ظهوره كان مثير للريبة وتصرفاته كانت غريبة .. الكل أعجب بشخصيته وبعدها فجأة تحول إلى مجرم واتضح في النهاية إنه ضحية مثله مثل البقية .. ذكاءه موازي لذكاء روك نوعا ما ..
الكثيرين كان يعتقد إن في النهاية رح يتزوج يومي لكني أشوف إن هذا الشيء مستحيل بالمرة .. لأن يومي تكرهه ومستحييل تسامحه فكيف تصير زوجته !!

ياماتو .. رغم إنه كان أحد ركائز الرواية الأساسية إلا إنه في البداية ماكان يعني لي شيء cute1.. زيه زي باقي الشخصيات الثانوية .. لكن مع الوقت وبدون ما انتبه أدركت إني وقعت في حبه .. برأيي أكثر شخصية خلوقةangel2 .. ثري وسيم وخلوق .. باختصار شخص يندر وجوده ..
النهاية إلي قررتها له كان مؤلم بالنسبة لي قبل ما يكون مؤلم له .. موت روز وزواجه من جودي x.x1.. أنا بنفسي مو راضية لكن الحياة ما تمشي مثل ما نبغى دائما ..

جوليا .. الشخصية الأكثر خيالية في الرواية .. مستحيل بل من سابع المستحيلات تكون في أنثى مثلها في صمودها وقوتها .. وبسبب كونها مثالية بزيادة ما قدرت أتقبلها x.x4.. هي شخصية رئيسية نعم لكن مو من ضمن الشخصيات المفضلة عندي ..
إحساسي يقول إن نهايتها مع سوبارو هو الطلاق خ ..


سوبارو .. ما أدري إيش أقول عنه .. مرة أحبه ومره أنقهر منه ..
حقيقة كونه مغني أنا بنفسي مو مقتنعة drop1.. فعشان كذا ما كتبت موقف له وهو يغني ..
إذا بتسألوني إذا كان تخلى عن ضماداته أو لا رح أقول ما أظنخ .. هو راضي بإن يكمل حياته بالضمادات .. يمكن لا كبر وهرم يشيل ^بب^.. لكن حاليا لا زال سوبارو هو المومياء نفسه ..
قصته مع أمه كانت مؤثرة فعلا .. ولحظة موتها وانهياره هو وياماتو أبكاني من جد .. أكثر لحظة مؤثرة بالنسبة لي ..

روز .. الشخصية المظلومة دائما وأبدا .. يوم كانت أمها وأخوها في كانت تتعذب بسببهم ولمن ماتوا وظنينا إنها رح تنال السعادة أخيرا ماتت ..
كثيير لاموني على موتها لكن مهما حاولت أغير في النهاية ما أقدر .. أحس إن موتها أمر محتم لا بد منه ..

آلبرت .. هذه الشخصية ظريفة برأيي ^^"4.. طريقة معاملته مع ياماتو تضحكني كثييرس4 .. من الشخصيات إلي ظهرت فجأة وما حسبت لها حساب " class="inlineimg" />..

ساي وما أدراك ما ساي .. رجل خبيث ومجرم وداهية ومريض :dam:لكن أحس نفسي ما أكرهه كثير .. عشان كذا ما عانى قبل موته ..
كان ودي أخليه يتعذب زي ما عذب الناس لكن ما أقدر .. ليش ؟ أنا بنفسي ما أدري ..

رغم إن في شخصيات أخرى مثل جودي وزاك وشينا ولوريوس وغيرها إلا إن الوقت ما يسعفني أتكلم عنهم كلهم ..
كان ودي أكتب فصول إضافية أتكلم فيها عن كيف هي حياتهم في المستقبل وفصل ثاني عن شيبا وجوليا ..
مشكلتي إني حاليا بدأت أشتغل على روايتي الثانية : الهاربون من الجحيم .. << ترقبوها قريبا في الأسواق
وأنا إذا ركزت على شيء واحد أفقد تركيزي في الأشياء الثانية .. يعني حتى لو كتبت فصول إضافية ما أضمن إنها رح تكون بالمستوى المطلوب ..

في النهاية .. أتمنى تسامحوني على كثر ممطالتي معاكم .. وتأخري .. إن شاء الله الرواية تكون نالت على رضاكم ..
شكراا لكل شخص قرأ الرواية وشكل أكبر للي وضعوا بصمة جميلة جدا في الموضوع .. فعلا إنتم سعااااااادة ..
ألقاكم بإذن الله في روايات أخرى ..
في أمان الله ..





رد مع اقتباس