و عليكم السلام و رحمة الله و بركاته
الحمد لله بخير.. و انت؟
و بالتوفيق جميعا في الاختبارات.. الله يقويكم >> اخر اختبار الي كان من 4 سنين بس حاس فيكم :nop:

اختيار الموضوع مناسب.. خصوصا بهذا الوقت الي يبدو انه العرب بشكلو فيه عبء على العالم
حتى العرب نفسهم بلشو يكرهوا حالهم

صدقت... زمان كان العرب يهتموا بالعلوم بشكل عام طبعا بتوجيه من الدين الاسلامي الي حث على العلم بكل الطرق
حتى شفنا العالم الواحد بكون عالم فلك و رياضيات و هندسة و طب و فلسفة مثل الرازي او ابن سينا و غيرهم

و قدمو كثير للعالم في زمن كان العالم الغربي في ظلام دامس لدرجة انهم كانوا بذاك الوقت يطلعو بالمكانس بوقت الكسوف يطردوا الوحش الي بحاول يبتلع الشمس حسب اعتقادتهم..

طبعا مثل ما قلت حاليا كل شي انعكس
و العرب تركوا الدين و العلم و شغلتهم امور تافهة زرعها المستعمر
حتى صرنا نتقاتل على الهوية و الاعلام و البلدان و الحدود الي بالاصل ما كانت موجودة
و الطائفية صارت العنوان الرئيسي لهي المرحلة...
لو العرب الحاليين يختفوا مممم اعتقد رح العالم للأسف يرتاح من مشاكل كثيرة
طبعا بس ما نقسي على أنفسنا
لانه الغرب حاولوا و نجحوا بزرع فتن كثيرة و شغلونا بنفسنا
و العرب وقعوا بهي اللعبة
طبعا كثير ناس من العرب الي بحاولوا ينسلخوا من هي الهوية و يتبعو العلمانية او الالحاد
بحكوا عنها خزعبلات انه الغرب يستهدف العرب و يعمل فتنة.. يعني ايش مصلحة الغرب من الموضوع! ؟
بس بالحقيقة العرب الهم ثقل كبير بموقعهم و عقيدتهم و ما يملكوه من خيرات بتخلي فكرة توحدهم او امتلاكهم لأمرهم فكرة لا يمكن تصورها بالنسبة للغرب
لانها رح تنتج قوة عملاقة تتشارك نفس العقيدة و اللغة و الهموم


شكرا لك على فتح باب النقاش .. موضوع موفق
و التصميم جميل.. ابدعتوا
الله يعطيك العافية
في أمان الله