عيون العرب - ملتقى العالم العربي - عرض مشاركة واحدة - .For every level, there is a devil

**إيلِين❝** · #**105** 07-05-2017, 04:32 PM

-

بَعد صولات وجَولات، وأصالة الحردانة xD، الي سكّرت الباب في وجهِي، ترا هاد مش مشان أراضيكِ.
المُهم، اليوم الأول حدّثني عن نفسك، والصّراحة الموضوع حساس xDD، ما أحب أحكي عن نفسي بالمطلق، لهيك
كنت شويّة أقلها أجل بشارك وشويّة لا، بس يلّا مشان الأخلاق وحُب الوطن وكدهه بنتكلم شويتين..
قبل لأحكي عنّي، أنا واقعة في الحب مع توكتشي توا، وراح أجيب ذكره في كل أيام الفعالية يا أصالة واهاهاهاهاها.
المهم اسمي لين xD، أعتقد المعظم يعرفه شهرتي واصلة عنان السماء < خفّي علينا بس xD.
عمري 17، مولودة في ديسمبر، تحديدًا الكريسماس، ولو من باب النرجسية يوم انولدت كان 17 هجري في رمضان،
ذكرى بدر < هاتِي رقم الهوية بالمرّة xD.. المهم هَمم مش عارفة من يوم أبلّش الصّراحة.
المهم أنا إنسان معقد جدًا جدًا جدًا جدًا جدًا، مش من باب إنه واو وكدهه، بس والله حتى أنا أحيانًا ما أفهم نفسي.
وبالغالب الناس الي حولي يقولوا لي أنا ما بفهمك أحيانًا xDD، أعتقد في خلل مَا في مكان ما فيني xDDD.
أنا إنسان نذل درجة أولى، وإنسان يجرح بطريقة لا تُغتفر أبدًا، وصريح جدًا وما يهمه شو شعور الطرف التاني..
الشيء لا يدفع للتباهي أصلًا، بس إنه لو بفكر فيها مليون مرة؟ عمرها ما كانت المجاملة منطق حياة!
لهيك، أتجنب إني أجامل أو أكذب ولو بأبسط الأشياء - ما أقول عن نفسي إني ما عمري كذبت للتوضيح بس-
بس حتى لما الموضوع يتعلق بإنه حدا يقلي اشتقت لك؟ وأنا ما اشتقت له؟ يا إما أضحك يا أقول تشتاقلك العافية،
شي فيني ما يعطيني القدرة إني أحكي شي مش بحسّه، أو رأي مش متبنياهه حتى لو كان الموضوع بدمر علاقاتي
مع التانيين، ومن ناحية علاقاتي مع التانيين، فأنا إنسان قطعًا الثقة عنده معدومة.. وما بحب أحط استثناءات، ولو إنه
ع وشك تحدث استثناءات مع كم شخص، بس أنا إنسان متأرجِح.
مشاعري ما أقدر أتحكم فيها، يعني ممكن أكرهك وأحبك في ليلة وحدة، ممكن تعني لي الحياة في لحظة وفي لحظة تانية
أتمنى الحياة بدونك، ممكن تكون صديق عمري ولحظاتي وما أطيقك، ممكن أكون في قمة سعادتي وفجأة أقلب الإنسان
المكتئب بطريقة فظيعة، أهدى في ثانية وأعصّب في ثانية.
مَا عندي مبررات لتصرفاتي، وإذا عملت شي استهجنه الناس، ما أفكر حتى مجرد التفكير إنه أبرر الي عملته دامه صح بنظري $".
أنا سيئة جدًا جدًا جدًا في التعبير عن مشاعري، سيئة لدرجة إني أكرهك لو سألتني عن شعوري تجاه حَدا،
والصّراحة؟ ما أحبذ أتعامل بلغة المشاعر أبدًا، لأنه ما أرتاح بهيك شي، ممكن تكون لي كل شي، وما أقدر أخبرَك حتى،
وبالغالب هاد يخلّي الناس الي ممكن تعني لي شي تنفض من حولي نظرًا لأني ما أعبر عن مشاعري،
وحقيقة؟ الي أخسره ما أحاول أرجعه بأي طريقة كانت، لأنه بالأول وبالآخر بيكون الشي زي كأنه عم يدفعني
لأعبرعن مشاعري غصبًا، وأنا مباشرة هالشخص يدخل في المحرمين دوليًا علي.
خليني أسيب من نفسيتي، وأحكي بحاجات عامّة xDDD، أعتقد في مغناطيس في مكان ما فيني يخلي الأطفال يحبّوني.
يعني أنا بالغالب يمكن ما أعطي الطفل وجه أو أدلعه حتى ويجي يجري لي وكأني حبه الأول والأخير
ويرفض الشخص الي ممكن أفنى حياته يدلعه - بحكي عن تجربة - يا زينهم الأطفال بس xDDD.
ما بعرف أطبخ، أكتر شي ممكن أعمله البيض، والاندومي؟ يااااه بعمل اندومي خطيرcool1.
اسمي حلّال المشاكل xD، لأني بالغالب أعطي الحلول بطريقة درامية، أو مشاني صريحة وما أحكي شي إلا عن قناعة.
في المدرسة؟ أنا ما أحب الدراسة أبدًا أبدًا أبدًا، ويمكن هالشي المعظم ما بصدقه لأنه بالغالب معدلاتي 99 وأعشار،
بس أنا أهلِك نفسي فترة الامتحانات وخلاص، وشكرًا لله ع العقلية الي معطيني إياها والحفظ السريع لولاه لكان أنا في القاع.
كأنّي شطحت؟؟ خلاص حد الله، زهقت وأنا بتكلم عن نفسي، دخيلك أصالة لا تعيديها.
لين خليط من الفازلين إذا طلعت فيه بالشمس بتنحرق بشرتك وإذا حطيته بالليل بشرتك بتكون نضرة في اليوم الي بعده..
الحكيم الي حكاها لي اختصر كل معاني لين في جملة

-