07-23-2017, 12:05 AM
|
| |
-
السلام عليكم ورحمة الله وبركاتو  
شخباركم يَ جماعه شمسويين مع الإجازه وهاكا  ؟
مبسوطين فيها زيي إن شا الله  ؟
آمم , دخلت الموضوع لإنو عنوانو أثار فضولي للأمانه !
كنت ابفهم شمعنى بيت الشمش بزبط ؟ يعني ليش مش بيت القمر مثلًا  قلب7 !
مَ عليكم مني بس جديًا جتني تساؤلات بسبب العنوان فَ قولت خلني اشيك عَ الموضوع (:2
علني افهم شالهرجه !
ومَ أقول غير ..
كويس ان التساؤلات راودتني لإنو من الواضح إنها طيحتني بمانجا لطيفه وبسيطه للمشاهده
ودا الي جالسه أدور عليه حاليًا - هالفتره نفسيتي نفسية إنسانه بحاجه لرؤية الجانب المُشرق من هالحياه
بحاجه لرؤية الإيجابيه بحاجه للسعاده والهناء , فَ مانجا بيت الشمس حتكون اول مانجا ابدأ فيها بإزن الله
- بعدها اقدر ارجع امخمخ عَ مانجاتي الي تسد النفس بكل راحة بال قلب7
*
# بالنسبه للقصه :
الشيء الوحيد الي ماقدرت افهمو , لما تطلقوا والدا ماو , وماتوا والدا هيرو ؟
ليش لحتى ماو انتقلت للعيش مع هيرو ؟ يعني مش المفروض تروح مع امها ولا ابوها عَ الأقل ؟
مدري انا الي جالسه أتعمق فالموضوع زياده عن اللزوم ولا فعلًا الشغله غلط !
مَ علينا - نقدر نغض البصر عن هالجزئيه ..
# بالنسبه للشخصيات :
مبدئيًا مَ أعتقد إني حقدت عَ احد كعادتي يعني خ
لكن اقدر اقول إن هيرو حيكون الفيفورت حقي معرف ليش بس كدا احساس 
الشيء الي انا متخوفه منو والي جد رح يصيبني بخيبة امل فظيعه لو حصل هو ..
وجود مثلث حب فالمانجا وأتمنى من قلبي هالشيء مَ يحصل قلب7
لإنو حيكون شي لطيفف لو ان الشيء الي يجمع هيرو بماو يكون رابط أُسري لا غير
# بالنسبه للأراء :
يوم قريت رأي لاف ؟ حسيت كدا بالراحه , لإنو كلامها يؤكد انو ماحيكون فيه مثلث حب ولله الحمد
غير كدا من كلامها وكلام ناغي المانجا مافيها عيوب ولا شخصيات بثره ودا شيء مهم بالنسبه ليا طبعًا (:2
ارائهم كانت جدًا إيجابيه وحمستني اكتر لقراءة المانجا - أخيرًا رح اقرألي حاجا سعيده ولطيفه 
# بالنسبه لِ لقطات المانجا :
ونا اشوفها فِ أمان الله والإبتسامه عَ محياي لكمية اللطافه الي قدامي ؟
- فجأه استوقفتني الصوره اعلاه وبشده ! لسببين لا ثالث لهما :
اولًا : اعتقد إني فهمت المعنى من وراء اسم المانجا " بيت الشمس "
يعني ماو هي الشمس صح ؟ بس هيا ساكنه فِ بيت مَ ؟
يصير دا البيت هو بيت الشمس , يعني بيت ماو خ
كيف بس ؟ انفع محلله صح ؟ هذا ونا مَ شفت المانجا حتى 
ثانيًا : عبالي يوم قريت رأي لاف إنو مثلث الحب شيء مستبعد لكن ..
هالصوره رجعتلي مخاوفي مرا ثانيا - اجل " أنتِ مثل الشمس بالنسبة لي
شيء لا يُمكنني العيش من دونه " ايش دا الكلام يَ هيرو قلب7
وكمان الإلتقاطه الي بعدها مَ تساعد أبد - خلاص انا احترت !
مالي غير قراءة المانجا لأعرف الهرجه بالزبط
# بالنسبه للرمزيات :
اسم الله عَ الإبداع يَ جماعه ! كلهم يجننو بزياده , بس بزات دولا
 
 
مرا حبيتهم والله !
*
تعرفوا ايش حبيت كمان ؟ موضوعكم ياخ , كدا خفيف ولطيف وألوانه تفتح النفس مرا
الهيدر شيء خيالي , اول مَ دخلت الموضوع جلست مسرحه فيه ليا ساعه
احب الألوان الهادئه والبسيطه , خفيفه عَ العين , وتحسسك بالراحه النفسيه
ودا بالزبط الي حسيت فيه ونا اشوف موضوعكم الجميلل واللهي
- عَ تعبكم ومجهودكم البطل ؟ يديكم العافيا يارب = )
 |