07-28-2017, 11:43 PM
|
| |
-
السلام عليكم ورحمة الله وبركاتو  
شخبارك لاف وشخبار الإجازه الجميله معك  ؟
يالله قديش مواضيع تلوين المانجا جميلهه فهالقسم ؟ فخمين والله 
عاد ريتني طحت عَ موضوعك من زمان , مشكلتي شغاله ردود بالترتيب 
ولا هالجمال يستاهل يكون أول شي اكحل عيني فيه خصوصًا مع كتاباتك الفخمه 
جد تعرفي تبتكري اسم الله عليكِ , فكرة إنك حاطه تلويناتك مع إقتباسات مُناسبه جدًا للتلوينه  ؟
رباه بس رباهه .. !
*
2 - 1
فينسينت الجميلل وابتسامته الي ضيعت علومي
يالهُ من منظرٍ مشرق يفتح النفس لأبدأ به مسائي البايخ 
إنتي عارفا احب اشوف ابتسامات من شخصيات عانت فِ ماضيها ح0
احسها فعلًا نابعه من قلب , احسها تأثر فيا اكتر من غيرها - مُمكن لإنها مب اعتياديه ؟
مدري كيف افهمكم بس هالإبتسامات جديًا فيها شي مختلف , معنى أقوى
خلاص بعد تغزلي بإبتسامة جميلي فينسينت ؟
خلني ارجع لزبدة الموضوع .. تلوينك 
مع التأثير :
عجبتني كيف طلعت النتيجه بعد إضافتك للتأثير عَ الصورتين
التأثير فخمم للأمانه , يعجبني هالنوع من التأثيرات , مب فاقع ومبهرج وملون مرا
تأثير كدا هادي جدًا وجميلل وطالع مزبوط عَ الصورتين
- بطله إنتي , اختيارك للتأثير هنا مُناسب جدًا  ..
بدون التأثير :
تلوينك ياهو جميلل لاف
- صلاتي عَ النبي بس والله اول مَ فتحت الصوره من غير تأثير بلمت من جمالها
المعنى الحقيقي لشي يفتح النفس هو التلوين دا , قديش هادي وبسيط ؟
اول حاجا الوانك الي استخدمتيها كلها وُفقتي فيها طبعًا , البشره إدمممان والله
كيف إنك مختاره لون هادي ورايق مع تدرجاته الجميله , بتظليلك المُتقن دا ؟
قمة فِ الجماليه والله !
والشعر ؟ جمالو بس , جد جد إنه ف خ م !
كل الألوان الي استخدمتيها فيه جدًا تجنن , حبيت تلاعبك بالتظليل هنا !
رهيبه رهيبه رهيبه إنتي
غير كدا اللمعات أضافت جماليه اكتر للتلوين وجدًا وُفقتي فِ مواقعها
كمان الملابس حلو تلوينك لها وتظليلك .. بالزات فالصوره التانيا أوضح !
شغلك هنا مرا رهيب , جد مش مُمكن إبداعك فِ التلوين يَ بت اسم الله بس
خصوصًا التظليل واللمعات - التظليل واللمعات - التظليل واللمعات .. !
أسرتي قلبي فيهم
حبيت كل الشغل الي عمليته فِ ملابس فينسينت بالصورا التانيا
حتى الورده والإكسسوارات يجننوا وربي - مبدعه للأبد إنتي
+ فيه شغله تانيا مرا حبيتها ولفتت إنتباهي بشكلل  !
الي هوا تلوينك للحلق - حبيت كيف إنك عملتيلو تظليل ولمعه !
واضح إنك مُهتمه فِ أدق التفاصيل بتلويناتك ودا شيء أقدره جدًا فِ التلوين بالزات = )
والخلفيات : حلوه فكرة إنك دمجتي خلفيتين مناسبه لبعض فالصوره , طلعت أفخم
*
4 - 3
مع التأثير :
حبيت النتيجه كمان هنا .. جد التأثير لابق عَ الصوره good3
أبرز جمال الألوان البنفسجيه بشكل فخم .. تأثير خيالي والله
لاف لازم تشاركينا تأثيراتك الخطيره دي عَ فكرا
بدون تأثير :
تلوينك للبشره ؟ اتوقع إني تغزلت فيه بما فيه الكفايه ولا
حتى الشعر تغزلت فيه لكن مقدر أمسك نفسي مَ أتغزل فيه زياده
آمانهه كيف جميلل ؟ كيف رايق ؟ كيف الألوان ممزوجه ببعضها بشكل لطيف ؟
مبدعه إنتي بمزج الألوان , تحبي تتفنني فيها وتأسري قلبي مع فنك
الملابس ؟ غالبًا مَ أشوف ملوني المانجا يعطوا أهميه كبيره للملابس ؟
يعني تلاحظي أن مستوى التلوين فيه أقل من الباقي لكن معاكِ غير
مش بس تعطي الملابس حقها إلا تبدعي فيها بشكل خورافي والله
مستعده اعيد من اليوم لبكرا ماعندي أي مُشكله ترا
إبداعك فِ مزج الألوان ؟ اللعب بالتظليل واللمعات ؟ فوق الوصف يَ ستي
شغلك بيرفكت بيرفكت بيرفكت اسم الله عليكِ ..
+ الخلفيات كمان لطيفه , دايمًا اختياراتك تكون زابطه عَ صورك
- زوق فخم مَ شا الله = )
*
5
زي مَ يقولوا ختامها مسك , بحضور جاك وغلين فِ صورا وحده يَ لبا
مع التأثير :
كالعادة تأثيراتك فخمه , مناسبه جدًا للصور الي تختاريها
كَ أنسانه تهوى الألوان الداكنه ؟ تأثيراتك تعقم عيني تعقيم
كفايه إنك ملونه صوره تشمل جاك وغلين الفخامه بحد ذاتها
فما بالك تضيفي عليهم فخامتك ؟ كيف حتكون النتيجه برأيك يَ مجرمه ؟
أنا اقولك ! شيء لا يُوصف والله
بدون التأثير :
الشعر والملابس !! ياهو ماهذا ؟!
لا والله لا , وربي لا , اقسم بالله لا - لا لا لا مش طبيعيه إنتي لاف !!
بسم الله مَ شا الله تف تف تف - ترا خايفا عليكِ من عيني الجميلهه قلب7 ..
مبدعه إنتي فِ كل شيء وربي , ماني لاقيه اي حاجا مَ حبيتها فتلوينك
كل شيء بيرفكت عندك وربي
ماتوقع قد شفت تلوين للشعر وللملابس زي تلوينك والله أعنيها من قلب
مرا تلوينك يأخد العقل اسم الله = ) - يجمع بين كل شيء يعجبني ..
الهدوء , البساطه , الأناقه والجمال , الواحد يروق حرفيًا بس يشوف تلوينك ياخِ
لاف للأمانه ؟ أنا واقعه بغرام تلوينك المُتكامل من كل الجوانب
*
موضوع فخم كَ فخامة لاف , استمتعت ونا اشوف كل تلوينه وأقرأ كتاباتك معها
وجديًا ؟ منتي مبدعه فِ التلوين بس , كمان كتاباتك فِ قمة الجمال
دخلت جو والله ونا اشوف تلوينك وأقرأ كتاباتك - كم أنتي فخمه
 |