عيون العرب - ملتقى العالم العربي - عرض مشاركة واحدة - Xll

**Mārionēttē** · #64 08-09-2017, 02:34 PM

السّلامُ عليكم ورحمةُ الله وبركاته

هاد الرّد على مشاركة كل من سوهان وغسق

...............

مرحباً سوهان

كيفك؟

بعرف متأخرة بالرّد.. ومتأخرة كتير بس انتي عارفة الظروف

نبدأ عطول بدون كتر حكي..

باعتقادي تعليق سارا على الختم الالماسي هو بحد ذاته شهادة على إبداعك

العنوان جميل ومعبِّر عن المحتوى

أكتر ما أبدعتِ فيه هو اختلاق المغامرة

رائعة بجد..

وكيف انك قدرتي ترتبي المشاهد وانتقالك من فترة لفترة لحتّى تحبكي المغامرة وتشوقينا أكتر

بجد هاد أحلى شي

شي تاني مميّز بكتاباتك هو إنّه مهما كانت الشّخصيّة ذكر أو أنثى كبير أو صغير
بتكون عاكسة شي من شخصيتك انتِ.. سوهانِ.. هبّة بالتّحديد
وهاد شي حلو لأنّه شخصيتك عفويّة ونشيطة ومميّزة

تعبك كتير باين ع الون شوت

ويعطيكي العافية ما قصّرتِ

بعتذر مرّة أخرى على التأخير والتقصير

وعلى الرّد الخايس جدّاً

تحياتي لك

بانتظارك مجدّداً

...........

مرحباً غسق الجميلة

كيفك؟

بتذكر مرة قرأت لك قصّة قصيرة.. كانت الحكمة فحوى إلها
حبيتها كتير وكان أسلوبها راقي

وبس شفت اسمك من بين الاثني عشر قلت أكيد رح بتقدمي شي فخم

والفخامة بدأت بأوّل عبارة.. أول سؤال: "ماذا يعنيْ أنْ ينتهيَّ كل شيءٍ قبل بدايته ؟"

مؤلمة.. والنّسبة لي إجابة هالسّؤال واقع.. واقع صعب صراحةً

"أنْ تشعر بالضياع لكونكَ لمْ تستطع اختيار الطريقة التيْ تريدُ أن تعيشَ بها !"

تماماً.. أصعب شي في الحياة إنّك تعيش حياة مو إلك
والأصعب إنها تكون اختيارك.. تكتشف بعد المضي فيها إنه انتا غلطت وإنّه
ما عاد بإمكانك لا تكفّي فيها ولا تتراجع عنها!!

وهاد اللي أتممتي الكلام عنه:
"قرارات لمْ تكن سيدها و خياراتٌ كنتَ الأساس فيها لكنك لمْ تستطع حتى أنْ تقضيَّ الحكمَ بها !"

أحسنتِ

لامست واقعي

نرجع للعنوان..
مممم ما فهمته!

أمّا الوصف بتوفَّقتِ فيه جدّاً
كنت حاسّة بمشاعر الشّخصيات قدرتِ توصليها بطريقة ممتازة

بالنّسبة للسرد

جميل.. ومتل ما توقّعت منك

لكن كان فيه شويّة تكلُّف.. رص لعبارات ومفردات مالها داعي بكتير أماكن
ممكن انتِ بتضيفيها عشان ممم نحكي "جزالة"
لكنها بسبب كثرتها بتصير متكلفة أكتر!

اللغة سليمة ما لاحظت أخطاء

إلّا هاد: فيمَ "لا زالتُ عينيه الثاقبتينْ تنظرُ نحوَ بقعَة واحدة لمْ يحِد عنها منذ البدايَّة"

"لا زال" بترفع اسمها اللي هو "عيناه" وبتنصب خبرها اللي هو جملة فعليّة "تنظران"
في محل نصب. س1

وهذه أيضاً: "يملكُ نظرتين مذهلتينْ ، مرعبتينِ وصاعقتينْ !"
أعتقد قصدك عينين !! لأنّه لكل منّا نظرة واحدة بكلا العينين !!

أعتقد هاد كل شي عندي..

تجربة موفّقة..
وقد أحسنوا اختيارك
أحسنتِ

وفي الختام

الفصل طويييييل.. طول شهر سبعة
قرأته على 6 مراحل يمكن
أعتقد السبب متل ما حكيتلك التكرار وكثرة العبارات اللي إجت متكلفة

آسفة ع التأخير

استمتعت معك

تحيااتي