نورت جدنا العزيز، ردك جميل جدا وقسم
سينا

اول شي بعتذر عن التأخير و عن التقصير الكبير
سبق حكيتلك سينا هذا القسم له مكانه خاصة عندي و للأسف قصرت كثير

و اعتذر برضو على عدم وجود تصميم للرد كوني بستخدم الجوال و ما عندي ملف للخلفية و الهيدر


كثير ناس هون بالمنتدى ما رح انساهم مهما صار و مهما طال الزمن
في منهم ما عرفتهم الا بمواضيعهم و ما في بينا محادثات
و في منهم بيناتنا جرايد و معلقات مو بس محادثات

تخيلوا هالسنين الثمانية الي مروا علي في المنتدى كل سنة بتعرف فيها ع ناس ربطتني فيهم علاقة اخوية كبيرة
ما عمري اخدت موفق من اي حدا منهم او زعلت من حدا
و بتمنى اني كنت ضيف خفيف و ما سببت أي ذرة مشكلة لأي عضو
وان شاء الله ما يكون حدا زعل مني فيها
و اعتذر من الجميع كمان على اي شي بدر مني و انفهم بشكل خاطىء

اعتذر برضو عن هي المقدمة و كأنها توديعة ... بس كل واحد فينا ما بضمن عمره


ما رح اذكر حدا بالاسم هنا لأنه 8 سنوات فترة طويلة كافيه انه واحد عجوز مثلي ينسى اسم بشكل غير مقصود
بس اكيد كل واحد بعنيلي شي او بعنيله شي و موجود معنا حاليا بالمنتدى
بقرأ الي كتبته فوق و بضحك و ابتسامته تذكر كل موقف مربنا فيه
احفادي الباكات طبعا انتو معششين في المنتدى قدامكم سنوات خدمة طويله :nop:
برضو اجدادي من ضمن احفادي
ما بعرف كيف صار لي جدة اصلا الله يحفظكم جميعا

عصابة العكازات و كل افرادها و ربي غيرتو فيي الكثير الله يحفظكم وين ما كنتو و يسعدكم دايما

عصابة الاصفار طبعا حكاية كبيرة بفضلكم صرت بطل من أبطال احدى روايات المنتدى

قسم الحوارات و نادي القراءة و الاعضاء المشاركين معنا فيه الكم فضل كبير علي كمان ... و رجعت اقرأ بشكل جيد بفضلكم و اعتذر دايما على التقصير


و لكل الغائبين عنا اذا ما كنتو تقرأوا هي الاسطر انا متأكد انه في اتصال بشكل او بأخر مع الغائبين بشعروا بأي حدا يستذكرهم و يدعيلهم
الله يوفقكم وين ما كنتو


ان شاء الله تكون الاسطر القليلة الي فوق وصلت للجميع و شملتهم
عي ما بتمثل 5% من الي بستحقوه

كل الشكر سينا على المبادرة هي
حركت مشاعرنا بدرجة كبيرة

كل التوفيق لكي و للجميع
في أمان الله