الموضوع: Ğ r a y
عرض مشاركة واحدة
  #45  
قديم 09-24-2017, 10:00 PM
 

السّلامُ عليكم

أكتر أوقات بننعجق فيها بالحياة هي اللي ما بنحسن نعبِّر عنّها
لا بكلام ولا بكتابة

معجوقة والله ح9

المُهم

رغم خبراتي القليلة جدّاً مع النّاس
إلّا إنّي قادرة على تكوين فكرة شبه كاملة عن طبيعة الشّخص اللي عم بتعامل معه
من أوّل لقاء

وو كم مضت سنين وأنا عم بدرس بمدارس وجامعات
لو جينا نحسبهم بطلعو:
2 روضة
12 مدرسة
و 4 جامعة لهلأ

لكن ما تعلمت فيهم متل ما تعلمت من الحياة
وهاد اللي الكل بعرفه

المدرسة بتعلمنا كيف لازم يكون العالم المثالي
لكن ما بعد ذلك
سواءا الجامعة وما يترتب عليها من سكنات
ومعاملة بشر من كل المناطق و.. و..

بتعلمك شلون انت تساهم بإنّه هاد العالم يصير مثالي
ومين من النّاس اللي عم يوقف بطريق هذا التّحول للمثاليّة

ما بقصد اللي عم يقتل شعوب.. ما بقصد الإرهاب.. ما بقصد أعداء الدّين اللي بيطلعو ع شاشات التلفاز

أبداً

لأنّي ما مريت بتجربة شخصيّة مع هذه الفئات

أنا ببساطة بحكي عن النّاس:

قليلة الذّوق
عديمة الضّمير في أبسط الأمور متل إنها ترجع شيكل أو نص شيكل باقي إجار الطريق
عن النّاس اللي بتتهاون بشي اسمه سرقة.. واللي عقوبته بالإسلام "قطع اليد"
و..
و..

ما فيه شي أصعب من إنّك تتعامل مع هذه الفئات

رح بيستهبلوك أول مرة وتاني مرة وتالت مرّة

ورح بيضحكو عليك بكتير إشيا كونك ممكن جديد ع السّاحة.. أو غريب عن المنطقة

ورح تحس إنّك بغابة

بجد بغابة
رغم بساطة الإشيا اللي ممكن يعملوها

ليه؟

لأنّه هيك علّمتك المدرسة

"كيف يكون العالم المثالي"
وما حكتلك كيف هو العالم الحقيقي
فانت بتصير متل المصدوم

المهم

أنا مش جديدة ع السّاحة ولا غريبة عن المنطقة
لكنّي لا زلت بنصدم بالنّاس

ورح ضل انصدم

لكنّي بتعلم

بتعلم إشيا لا المدرسة ولا غيرها رح بتعلمني ياها

بقلبي كمية سخط هائلة

ع كتير اشيا.. من ضمنها قلّة الدّين

وقلّة التربية!!

آآآه

هاد معنى إنّك تكون ناضج

والله حاسّة حالي ختيرت

هذي نبذه عن تجربتي

محد رح يقرأها عشان هيك كتبت فيها أسرار كتير


__________________