|
ـ
وَصلت لمَرحلةة ؛ صرت فيها مَ أعرفني !
خلاص بسسَ خل نرمي الاوراق والاقلام هناا ؛ انا اسحب كلامي
ابي اكون انانيه ؛ ابي اكون عديمة احساس وشخص مكلل بالوقاحه
وفزات قلبي ؟ بلعنتهاا ..
انا تحولت لشخصَ دقيق الملاحظه !
ألاحظ أشياء محد بيلاحظها غيري وكنها نزلت وصارت بس عشان عيوني تتلاقط عليها
اركز على اتفه شي ؛ الثواني الي تغيب فيها اتشتت
اما الثواني الي تحوولت لساعات تنهيني ..
اغار ؟ اي اغار الى حد الجنون ؛ اي شي يدخل حياتي يصير لي ولا ابن امه ياخذه مني
أنانيه ؟ غيره ؟ الي يطلعَ ؛ دقة ملاحظتي صارت تخليني اكره بسبل اسهل
أشوف اشياء محد يشوفها ؛ ويوم اعلق اكتشف انه شي مجازي بعيونهم ؟
الموضوع ينرفزني ؛ بشكل مقرف ..
لحظه ! ؛ يوم اكره شخص كيف اوصل له احساسي ؟
كيف اوصل له اني اكرهه ؟ اقدر اقولها كذا ببساطه ؛ انا ا ك ر ه ك ؟
والا بمجرد ما ابرز له تصرفاتي راح يفهم ؟
يععَ اكره هالفئه من الناسس َ ؛ لدرجه مقدر اجامل ولا اقدر ابلعهم
عَادي ابلع اي شي اي شي ؛ الا الاشخاص الي يفكرو نفسهم الصح والي لهم حق يعاتبون
وهم لا صح ولا لهم حق يعاتبون !!
أحتاجَ جملة توصف كل شَي قاعد يتخبط قدامي ؟
ترا انك شخص دقيق ملاحظه هالشي يهز ويقتل ؛ شي غصب عنك مو طالع معك تكبحه
أحسَ بداخلي حكي كثير بس مو قاعد يطلع ؛ لو بيتشكل بطريقه
غلط اقدر اجزم اني بكرهني لاني ابرزت جانب فيني مو عاجبني ؛ ياخي انا وين مَ ادقها عوجه .
|