عيون العرب - ملتقى العالم العربي - عرض مشاركة واحدة - الماسي

**Rαin** · #18 01-18-2018, 03:22 PM

تكرهي ساسكي ؟ انتهت علاقتنا >>امزح
ياجيما

-

السلام عليكم ورحمة الله وبكراته،

شلونج فريال؟
لما جفت الهيدر خقيت على الشخصيات وانصدمت انهم من رسمج،
وكاتبة عليهم رواية بعد؟ ماشاءالله متعددة مواهب.

الرسم عموما صعب، ويتطلب تركيز. فشلون لو كان ديجتال؟ ماشاءالله درجة الاتقان عالية.

جميلة ماشاءالله، اهي رافعة حاجبها ؟، حبيت الحركة
لبسها على انه بسيط، بس خطير
رسمك لحذائها متقن >خقيت عليها اكثر شي> ابدا ماتذكرت فلم حديقة الكلمات> مب متأكدة اذا صح العنوان> لازم اسكت

والكريب اللي بيدها يشهي

لون شعرها وعينها متناسبين

النفر الطويل، متعمدة تكون بشرته شاحبة؟

حبيت اختيارج للون ثيابه، ماقدر اتخيله بألوان افتح ومبجهة . كلش مابيصلح

وقفته مايلة بزيادة احس بيطيح

تسريحة شعرها خطيرة، ولون العين فريد اختيار موفق

اكثر شي جذبني هنا الحزام، ماشاءالله حتى الحزام رسمتي التفاصيل عليه.
حذاء الجميلة على اليسار يهبل حلو الوانه .
اللون الابيض مب سيء على تاكامورا
حبيت تنورة نتاليا، أحس لو ادور بتدور التنورة وياها
بس كأنه خصرة هنا صاير صغير بزيادة؟
اللون الودري يناسبها .

هلا والله مستر احمر

الحذاء ، وايد عاجبني
كأنه رجولها ضعيفة بزيادة؟
وقفتها كأنها ناوية على مصيبة
جاكيتها اكثر شي عجبني فيها .

احس لو صغرتي البؤبؤ شوي بيكون احسن.

مادري ليش احس وقفتها طبيعية اكثر شي.
حلو لون عينها، والأحلى انك ماخترتي لون فلاش ولاكان بيخربه good2
شعرها يجنن ولونه مناسب جدا
كأن عدد رموش العين اليمنى يختلف عن اليسرى؟

البنوتة من المانقا اللي ماحبها :\
هي البنت ظريفة نوعا ما بس المانقا ماحبيتها:\

الحذااااء ، ظريف وانيق.
شعرها واضح انه ناعم
ثيابها على انها بسيطة بس انيقة

ظريفة
كأنها لعبة ، حلو اختيارك للون العين
ولبسها صج كئيب بس يناسبها

راعي الدراما يارب يموت
ماتوقع حقدت على شخصية كثر حقدي عليه.
مابي امدحه بس سبحان الله قدرتي تضبطين ملامحه.خصوصا عيونه الكريهة
وشعره الكريه اللي يطير .

فريال،
رسمج تحفة ماشاءالله، وديجتال بعد؟ ابهرتيني
التظليل متقن ورسمج للعيون خطير.
والشعر طالع طبيعي مب مصطنع. أقصد انسياب الشعر طالع طبيعي >يارب ينفهم اللي اقوله.
ورسمج للأحذية يخق
بس انتبهي للخصر لاتخلينه ضعيف بزيادة
يعطيج العافية، موهبتج مافي مثلها ماشاءالله.