Y a g i m a

السّلام عليكم ورحمةُ الله .
أنا عن نفسي ماشوف فيه قيمة من تنشيط المنتدى، ولا احسه يحتاج تنشيط..
ليه ننشطه؟ مالهدف من ذلك؟ كثير تناقشت مع فلوريسا عن هذا الموضوع، هي
تحس ان فيه هدف من تنشيط المنتدى وانا لأ.. ما أشوف إن فيه فائدة..
ولا اشوف فيه فائدة من اني انشط الاقسام الخاملة، ايه لازم انشطها أصلاً ؟
هي مو جوهر عيون، انا يوم سجلت هنا كان بسبب قسم روايات الأنمي، ويوم
دخلته حبيته فتره بعدين فقد قيمته بعيوني، حبيت قسم المانجا ونشطته لأني
أحبه ولأنه يلمع في عيني ): .
المنتدى بالنسبة لي وسيلة للاستمتاع والترفيه عن النفس، نشتغل له ونبنيه
صحيح بس بالشكل اللي يناسبنا، وعن نفسي ؟ لو الموضوع فعلاً ممتع ومكتوب
بأسلوب شيق من قبل العضو نفسه كان دخلت والله.. اتذكر عضوة هنا كانت مشرفة
قسم العلوم أظن، مواضيعها كانت خالية من التنسيق الا من تلوين النص مع
ذلك أدمنتها لأنها كاتبتها وهي فعلاً مهمتة فيها وعارفة هي إيش قاعدة تقدم!
اشوف اننا فالمنتدى لازم نشجع الشخص على عمل الشيء اللي يحبه والتميز
فيه حتى هالشيء منتشر جداً، ليه نسحب على الاقسام النشيطة وننشط الاقسام
الخاملة مع ان ماحد مهتم فيها فعلياً ؟ ماعرف.. اللي سوا المنتدى سوا هالاقسام
عشان اللي يحبوها يستمتعو فيها، وراح يجي وقت ويكون فيه أحد يحب
هالقسم وينشطه ويخليه جميل لذلك انصح ان محد يشيل هم هالأشياء..
وبس هذا ردي المتواضع القابل للتغيير مستقبلاً xD .

__________________
-



يارب، فردوسك لأمّي وأبي وأحبتي أجمعين.
𝐖𝐡𝐚𝐭 𝐰𝐞 𝐝𝐨 𝐧𝐨𝐰 𝐞𝐜𝐡𝐨𝐞𝐬 𝐢𝐧 𝐞𝐭𝐞𝐫𝐧𝐢𝐭𝐲.