المره الاولي ولا تجعليها الاخيره اماسيو 
رئيك جميل جدا..وعقليه ناضجه 
احسنتي يا فتاة
مميمي-
-
بسم الله الرحمن الرحيم
السلام عليكم ورحمة الله 
كيفك عبق  "
اول مرة اجي لذا القسم واول رد من حظك 
جذبني العنوان وحبيت طريقة عرضك للنقاش
بالنسبة لي عندي رأي واحد فيه ما رح اتغير عنه ابداً
مع احترامي لكل الاهل وكل التقدير لجهودهم بالتربية ومعروف انه اكثر علم بمصلحة اولادهم بس انو هم يزوجو البنت غصب عنها لشخص ما بدها ياه !
عذرا هون ما في شي اسمه اسمع كلمة اهلك شو ما حكولك هون يوقف حكم الاهل
١ - على الرغم من تطور الزمن ، برأيك ما هي أسباب تمسك بعض الأسر بهذا الطابع من الزواج ؟!
في اشخاص متزمتين تفكيرهم نفس تفكير الناس يلي كانت قبلنا ب شي 50 ولا 60 سنة ما يستوعبو انه الزمن يتغير الظروف تتغير الناس تتغير ما في شي يضل ع حاله روتين زمان مستحيل يمشي ع الناس بالوقت الحالي والشي يلي كان مناسب وقتها ما يعني انه رح يضل مناسب للابد الشي الوحيد يلي يناسب كل زمان ومكان هو الشرائع واوامر ربنا وبشرعنا الاسلامي ما يحق للاهل يزوجو البنت شخص ما بدها ياه شو ما سوو لما تقول هي لا خلص لا ما بايدهم شي
سبب الاهل بالوقت الحالي يا اما انه مثل م حكيت لساته ع روتين زمان ولسا عقله ما يتقبل انه هالشي بزماننا ما يمشي او انه يمشيها تحت مسمى "انا اكبر انا اخبر انا ادرى بمصلحتك"
ولا ما بده غير شخص ب نفس تفكيره المتزمت ..
٢ - هل تعتقد أن لهذا الزواج عواقب تؤدي إلى تشتت الأسرة ؟ و ما هي هذه العواقب ؟
يب طبعا في كثير مشاكل ولو الشخص ما انتحر بالواقع روحه من جوا تكون ميتة !
ولو وافقت واستمرت بالزواج ذا رح تجي ب اولادها رح تطلع كل غضبها فيهم رح يكبرو بأسوأ بيئة بأسوأ ظروف رح يكبرو وينعكس فيهم الماضي البائس بسبب الاب والام يلي ما يتحملو بعض خصوصا لو صار هالشي بعد م كان واحد منهم يحب شخص معين بس اهله وقفوا بوجه انهم يجمعوه فيه واختاروله شخص ع مزاجهم وذي الحالة اكثر شي تصير تحت هيك ظرف ومثل ما ذكرتي بقصة اخت نزار، يعني ذا زواج اكثر من نص حياته رح يقضيها بوجه هالشخص اكثر من نص اليوم كيف الواحد ممكن يتحمل عشرات السنين مع شخص ما يريده !!
٣ - هل زواج الإكراه يقتصر على زواج الأقارب ؟
ما اتوقع لا ، في اشخاص يدورو ب ناس بعيدين بصلة الدم لكن بالتفكير والعقلية نفس بعض
وبالاصل زواج الاقارب مو منيح والرسول صلى الله عليه وسلم حكى "غربوا النكاح"
٤ - برأيك .. كيف نستطيع كمجتمع أن نحارب مثل هذه الظاهرة ؟
بصراحة بهيك زمن اشوفه شبه مستحيل تتغير افكارهم بعد هالنقطة
بحاجة حملات توعية ضخمة اشخاص يجو يحكو بوجههم عن قصص واثار لناس يعرفوهم بحياتهم الشخصية تضرروا من زواج الاكراه ،شخص عاش بوسط اب وام تزوجو وهم ما يطيقو بعض ويشرح ل الاهل يلي هيك يفكرو لأي درجة كانت حياته تعيسة ،لعل وعسى التجارب الحية تغير تفكيرهم.
٥ - لو حاول أهلك إجباركِ / كَ على الزواج بالغصب فما هو موقفك ؟؟
مستحيل اقبل هالشي تحت اي ظرف شو ما صار بالنهاية هاي حياتي انا وانا يلي رح اعيش مع هالشخص طول سنين مو ابي او امي او مين م كان رب الاسرة ،رضاي عنه اهم من رضى الكل لو كان شخص ما عليه شي ومقابله شخص سيء يجبر الاب عليه ،،بأي حال أهلي مو هيك
٦ - هل مررت أو مر أحد من معارفك بهذه التجربة ؟ و لو حدث هل ممكن أن تشاركنا تجربتك ؟
انا لا لساتني مو بعمر الزواج وما اعرف احد مر ب هالتجربة والحمدلله هالشي مو شائع بدرجة كبيرة عنا مثل الدول الثانية
وبس ذا يلي عندي للحين 
متابعة للنقاش "
وشكرا لطرحك المميز عبق لانه بجد ذا مشكلة لازم يوقفلها حد"
دمتي
__________________ سبحان الله -الحمدلله- لا إله إلا الله- الله أكبر
التعديل الأخير تم بواسطة #MiMi ; 03-16-2018 الساعة 02:35 PM |