السلام عليكم ورحمة الله وبركاته

كيفك غاليتي ديمو النشيطة

بتمنى انك بخير وبحال جيد

دايما كعادتك باي قسم بتتركي لمستك الخاصة

يعني ماشاء الله عليك كل مواضيعك فخمة

ومختارة بطريقة رائعة.

من الاخر كل مواضيعك بتستاهل اكثر من الألماسي

المهم حبيبتي اكيد منورة قسم موسوعة الصور

وياريت تنورينا دائما بمواضيعك العسولة والشيقة مثلك.

بتزكر اول مرة طلبتي تصميم لمدونة وانا صممت الك

بعدين فت على معرض التصميم وانصدمت من فخامة تصاميمك.

صرت اضحك حكيت وحدة بتصمم مثل هالتصاميم وانا صمممت الها شي بسيط.

يعني حسيت بالاحراج صراحة

ماعلينا من كل هالبلا بلا

نيجي لموضوعك الخرافي عن المدن المفقودة

صراحة انا بعشق شي اسمو غموض واستكشاف.



حضارة المايا بعرف عنها كثير شغلات
بس بالينكو اول مرة اسمع عنها بس بعرف
انو كانت الهندسة المعمارية عندهم على شكل اهرامات.




حضارة الانكا كمان سامعة عنها قبل بس تيواناكو اول مرة اسمع عنها
انك تشوف مباني ماقبل الميلاد شي بيخليك في قمة الفرح
عم تحس حالك كانك شي مكتشف



يعني سامعة بحليب انكور من قبل بس المدينة ناهي
بس مبينة كثير حلوة التصميم والخضرة
شي بيفتح النفس




ماتشو بيتشو سامعة عنها قبل بس ينذكر اسمها بحسو

اسم شيبس.

هندستها المعمارية خرافية اضافة الى المدرجات الزراعية

شي خرافي من الاخر




أطلانطس اكيد معروفة انعمل عليها كثير افلام وكتب

بس بتضلها شي موثق ولا مؤكد وجودها

لانو مابضن لقو لا انقاض ولا شي أثري منها

بعرف انو الاساطير بتحكي انها غرقت

وانو سكانها وصلو لحد كبير من العلم والثقافة



كمان انذكرت في كثير من الأفلام وحتى الأنمي

مدينة الذهب المشهورة بس لحد هلا ماعثرو

على مكانها ولا اي شي منها



هيراكليون وباريس وقصة طروادة

هاي درسناها في الميثولوجيا الاغريقية

بيحكو اختفت تحت الماء

بتضل اسطورة بس.



اول مرة اسمع عنها

ضلت منها بس الأطلال

بس فيني الأحط تماثيل الاسود

كانهم حراس المدينة



تشان تشان بتحسو كشي اسم شخصية انمي صينية

كثير حلو الاسم حبيتو على وزن تان تان الانمي الفرنسي المشهور

مصنوعة من الطوب واللبن شي غريب



منازل في الكهوف

كيف الناس فيها تعيش في كهوف

بس طريقة حفر المنازل بالصخور

مو سهل اكيد اتطلبهم مجهود

واكيد ماكان بالسهل انهم يتركو بيوتهم




سامعة عن بدة صراحة

بعرف عن حضارتها

بس ماكنت بعرف انها كانت مطمورة تحت الرمال




من قبل ما اقرا شي عنها

عرفت انها مدينة هندية من الاسم

بس الهنود معروفين بفخامة الهندسة المعمارية

وعراقتها.



ومين مابيعرف تذمر وزنوبيا

من اكثر الحضارات الي الهمت الكثيرين

بقوة الثقافة والعلم الي وصلو ليه

بسبب ملكتهم زنوبيا

وكيف انو الرومان دمروها وأسرو زنوبيا وانتحرت



يعني يخريب بيتهم الرومان خربو كثير مدن عربية

يمكن لانهم ماعندهم حضارة اصلا او حضارتهم كانت مبنية على القوة بس

لهيك كانو بيغزو كل الدول وبدهم يضموها الهم.


عن جد موضوع شيق بتحسو كانو شي وثائقي على ناشيونال جيوغرافيك

لايمل ولا يشبع منو.

برجع اتشكرك على المجهود الخرافي

دمت بود غاليتي

شكرا لكِ يُونا . على الطقم الأكثر من رائع