[img3] http://www.m9c.net/uploads/15212015242.gif[/img3]
عااااا زنوبيا نورتي 
احرفك كلها بهجة و سرور شكرا ايتها المناضلة
ياجيما 
-
مرحبا ايّها النّابضون بالجمال
عن جد خطيرين يا جماعة شو هالرّسومات الرّهيبة
كل وحدة فيكم تألقت بطريقتها الخاصّة
و بما أنّكنّ قدّمتنّ نزفَ الأنامل لآخره؛ سأتوقّف عند كلٍّ منكم لأرتشف حتّى أرتوي
~
فريالو
رسم كلاسيكي معبّر
الحركة المائلة و الشّفايف الي كانها بدها تنطق بس مو عرفانة شو تحكي
كان البنت مصدومة بشي
ولا العيون! اكتر شي عجبني بين رسماتك هالصّورة هي
الثانية و الرّابعة حركة الراس و الشعر لفتتني
الثالثة و الأخيرة حاسه فيهم شي مو كتير مزبوط بالقياسات
بس نظرات عيونهم غطّت ع هالشي !
فيني اعتبر براعتك تكمن بالعيون
-
شوشو
خطوط قويّة تفرض وجودها
اتقان برسم الجوري ذكرتيني برفيقتي كنت اتعلم منها رسم الورد
و هلأ رح بلش اتعلمه منك
اضافة الى انّي حسيت هالصّورة فيها ربط بين نقيضين
هي الاجمل بين رسوماتك
الباقي كلهم واضح فيهم تلك السّيطرة و الجرأة بالرّسم
بس بصورة الخنجر حسيت الانعكاس كان ممكن تعمليه شوي افتح
من هيك يعني بحيث يبين انه مجرد انعكاس مو اصل
بس المهم الفكرة بحد ذاتها ابداع
خلينا نقول ميزتك هي القوة بالفكرة الى جانب الخطوط
-
مينو
الانمي المليء بالالوان و الحياة
لزيزه البنت و القطة معها
من انضغاط وجنتها مبينلي ان القطه عم تمسح براسها ع وجه صاحبتها بلكي بترجعلها الضحكة
اكتر رسمة حبيتها عندك + البنت الحاضنه مخدتها جميلة الحركة و اليد فيا حسيتها زابطه اكترمن الباقيين الي ايدهم مبينة
رغم ان رسوماتك كلها الوان بس بيتغشاها حزن رقيق
-
فاير
انحناءات متقنة بانسيابية
صراحة كان صعب الاختيار لكن مع ذلك لازم اختار وحده
مو سهل كل هالاعتناء بالتفاصيل
اضافة لهبوب الهواء و كونها مستديرة
عن جد شي راقي
ايفاء التفاصيل حقها و بكل رشاقة واضح بكل رسومك
-
و اخيرا و ليس آخرا
ياجي
تلقائيّة الفكرة و الحركة
شو كربوج "كيوت يعني" عيونه طالة من فوق الفنجان
اخترتها كاحلى رسمة + ذات الضفير الطائرة بحب هيك رسوم لانها بتخرج عن المعتاد
كمان بحييك ع رسمات اليد التركيز عليهم مو شي سهل
-
هلأ انا قعدت حلّل و احكي لحتى تعبت...صفقولي 
كتير حبيت فنكن البديع
رساماتنا الحلوات بتمنى توصلوا للاحترافية باعلى مراتبها: :
سلامي 
التعديل الأخير تم بواسطة Y a g i m a ; 05-06-2018 الساعة 01:11 AM
سبب آخر: ختم
|