[img3] http://www.m9c.net/uploads/15212015242.gif[/img3]
منورة بطلتك الجميلة باندورا تشان  
شكرا لكلامك اللطيف 
ياجيما 
-
السلام عليكم ورحمة الله وبركاته
كيف الحال بتمنى تكونو كلياتكن بخير
ومبسوطات وماشي حالكم بالدراسة
وإن شاء الله راح تنجحو هالسنة وبمعدلات خرافية
نيجي للموضوع لك حبري لأخره
العنوان لحالو بيجنن مابعرف مين اختارو
بس اكيد الي اختارتو فيكم ماشاء الله عليها
عندها حس فني حتى في إختيار العنوانين.
التصميم طلع روعة ومناسب للموضوع
يعني كانو جزء لا يتجزأ من الموضوع كلو.
حبيت فكرة انو تجتمعو كلياتكم وتعملو هالموضوع
وكل وحدة تشترك برسوماتها.
طلع موضوع مميز وبيبين روح التعاون واهم شي
بيبين كل وحدة واتجاهها الفني فيكم.
نيجي للرسومات
رسومات فري
حبيت هالرسمة كثير كانها رسمة بروتري portrait
بملامحها الدقيقة العيون والشعر والظل الخفيف يعني ماشاء الله
طالعة بتجنن. تصفيقات لفريال.
نفس الشي كانها رسمة بورتري لشي موديل
من شي مجلة أزياء .
تفاصيل الملامح والشعر كيف مرسوم
والخطوط البارزة انا عن نفسي بيعجبني هيك
ستايل بالرسم.
هاي صراحة ماحبيتها كثير حاسة في شي
غلط رسمة الشعر مو متناسبة مع حجم الوش ولا رسمتو
لو ضفتي حجم للشعر أكثر كانت طلعت أحسن لانو الوجه مرسوم روعة.
هاي مافيني احكي عنها شي من جمالها
مابعرف يمكن هاي اول مرة شوفك بترسمي
بهيك طريقة يافري رسم البورتري لابق عليكي
يعني متميزة فيه.
بتمنى تركزي عليه أكثر لانو عندك لمسة حلوة فيه.
رسمة كيوت بكل تفاصيلها
يعني رسم الوش عندك دقيق كثير اكيد بس
اكثر شي بحبو رسمة الشعر
كيف بترسميه بأدق تفاصيلو.
شي مابيتصدق.
رسومات ساتورو او شينا
حبيت رسمة السكين
كيف ماحكيت هالموضوع فيه لمسات فنية كثيرة
وهاي لمستك بتحبي الاشياء الغريبة والسوداوية نوعا ما
حبيت هالرسمة مابعرف بحس عندك ميول للرسم السريالي
المليان غموض وفلسفة على عكس فري والغير.
شي حلو حبيت الفكرة عموما وطريقة تنسيقها
العالم او المجرة.
حبيت الفكرة هون كمان
حبيت فكرة انك تلوني ساق الوردة ومسكة السكين
بالاسود مابعرف يمكن تكون وصلتني الفكرة
انو حتى للوردة شوك ماتستهين فيها.
يعني مثل شي رسمة تكعيبية بضن
حلوة وحبيت الفكرة
رسوماتك كلها مميزة استمري.
رسومات مينو
الوحيدة الي لونت رسوماتها بس بضن طلعو هيك بيجننو
بألالوان عطتهم قيمة أكثر واضفت عليها الكثير من الجمال
طريقة الرسم الملامح والألوان بيجننو في هالصورة
رسمة كثير حلوة للأنمي الملامح العيون حركة التم الشعر
حتى خطوط الجسم روعة بس رسمة الايد الي شوية مو زابطة
غير هيك كلشي حلو بالرسمة.
رسمة كمان كثر حلوة الألوان طالعين بيجننو فيها
رسمة الوش والظل بس الدموع حسيتهم كانهم متحجرين
كانت حتطلع احسن من غير دموع.
هاي روعة بجميع تفاصيلها الشعر ولونو وتفاصيل رسم الجسم
والظل الخفيف ورسمة الإيدين طالعة روعة.
كمان حبيت هالصورة بكلشي فيها ألوانها الصارخة
ملامح الوش والحزن الي مالي الرسمة
يعني ماشاء الله كل رسوماتك روعة وباين مشتغل عليها كثير
رسومات فاير
واو شو هالرسم الدقيق
يعني يافاير مابتفكري بس تخلصي ثانوية
تتخصصي بمجال رسم الأنمي
بضن عندك هالموهبة
يعني رسم الملامح خطوط الجسم الشعر العيون
كلشي روعة وشغل محترفين كمان
طريقة رسمك والظل ورسمة الايد ياعيني
والضحكة بتحسها كانها نسخة طبق الاصل
للأنمي يعني كانو هاي النسخة الاصلية قبل لا تتلون
وتنعمل أنمي.
كل هالرسمة روعة بتحسيها قطعة فنية
ما بجامل بس عن جد من دقتها
حبيتها كثير ولا اتعلم ارسم مثل هاي
بدي قرن يمكن
طريقة رسم الظفيرة قديش اتطلبت منك وقت
لاتكون بهيك حرفية ورسم الظهر والظل كانو شي حقيق
عن جد شي خارق
لمين هالرسمة الكيوت الي بتجنن في كل تفاصيلها
حبيت طريقة تلاعبة بالظل
عن جد يافتاة لازم تستفيدي من موهبتي هاي
مابتقلي في شي عن اي رسام انمي عن جد.
رسومات ياجيما
الظفيرة الكيوت يعني حتى لو الرسمة بسيطة
بتبين لمستك الفنية فيها حبيت طريقة رسم الظفيرة والتنورة
والانحناءات الي بالظهر
الايدين مرسومين باحترافية ماشاء الله
بحب هيك رسمات معبرة
حبيت هالصورة الكيوت
رسمة العين والشعر وشكل الوش
فعلا انك فنانة يا بنت
انتي فخر للدببة.
الشعر العيون الفنجان الايد
مرسومين بدقة ماشاء الله
خصوصا رسمة العين حبيتها كثير
رسمة الايدين من جديد خرافية مابعرف
كنت بعرف انك بتحبي رسم الأنمي أكثر شي او الدببة
بس هيك رسمات اول مرة شوف انك بترسميهم
مابعرف يمكن هاي اول مرة ترسمي هيك نوع رسم
ولا رسماه قبل وماشفت الموضوع.
يعني شو بدي احكي عن جد انكم كلكم فنانات
بهيك عمر لساتكم صغار وعندكم حس فني عالي
وبتعرفو ترسمو منيح ليش ماتفكرو
تطورو مواهبكم وتدخلو لمدارس رسم
يعني كل وحدة فيكم عندها لمسة فنية
من البروتري للسريالي للأنمي
يعني متكاملين ما شاء الله
اسفة على الاطالة
وانا ابديت رئي كعاشقة للرسم
مو كرسامة.
كونو بخير يابنات وضلو على طول هيك موهوبات.
__________________
شكرا لكِ يُونا . على الطقم الأكثر من رائع
التعديل الأخير تم بواسطة Y a g i m a ; 05-09-2018 الساعة 08:33 PM
سبب آخر: ختم
|