ميمي
-
مرحبا
هاللعبه هي فكرة...يتم تطويرها من مبرمجين
وهمه بنزلوها بمواقع تحميل التطبيقات
لا يمكن حصرها .. ولا ايقافها..
لانه مش ممكن التكهن...مين الهاوي التالي ، الي رح يعدل عليها وينزلها...
هاي اول نقطه..
تاني نقطه..
اللعبه بتستهدف المراهقين...الي بحبو التجربه والمغامره
كحضرتي مثلا..
لولا وجود بعض الاشخاص في حياتي ...كنت جربتها
المشكلة في عقل المراهق...بسبب ترددة الكبير..
وضعف علاقته مع اهله بشكل عام...
رح يكون عرضة سهله للتهديد
وبالتالي بتتعب نفسيته وبنتحر بالنهايه ..
بس لو نيجي للوجهة المنطقيه..
حتى لو اللعبه اخدت ال ip وهددت بمعلومات خاصه
فهي بعييده كل البعد عن تنفيذ التهديدات ..
تنفيذ التهديدات يحتاج متابع لنشرها ..
واذا حاول المبرمج يظهر نفسه بمواقع عامه .. بصير سهل ينمسك...
فهو ما رح يخاطر
هي مجرد لعب ع نفسية واعصاب المراهق الاهبل
الي بصدق...وبضيع
والله يحمينا