وعليكم السلام ورحمة الله وبركاته،

هلا والله سيلا،
شخبارج، عساج طيبة ؟



حبيت هالصورة اكثر شي، تدرج السماء فيها جميل جدا ماشاءالله.
اخترتي التوقيت الصح




هنا بعد، التدرجات رهيبة. الاصفر والبرتقالي متداخلين بشكل جميل .
جربي مرة ثانية تصورين السماء بهالتدرجات لكن عن الاشجار، بتحصلين صورة فظيعة
الظلال والغروب بيسحرونج .



هالصورة جميلة، لكن صورتيها بالعرض عشان تطلع السماء بشكل اوضح بتكون أجمل .



اخخ، جوفي الجمال هنا، كله بالظلال على الاشجار .
قميل قدا .



الغيوم هنا تصيح من جمالها ماشاءالله.
والأرض الخضرا والتلال مادري الجبال، منظر جدا جميل سبحان الله .



الغيوم هنا غير عن الثانية، شكله خذتيهم بايام مختلفة.
ومع ذلك هي جميلة .



هذي من المفضلين عندي . عرفتي شلون تاخذين اللقطة بشكل ممتاز .



حبيت شلون خذتي نفس اللقطة بوقتين مختلفين .

لما تصورين حاولي تصورين بالطول او العرض، بعض الاحيان التصوير المائل مايظهر الصورة اللي تبين تصورينها كلها، بس جزء منها ):، فحاولي تجنبين هالشيئ.



حلو انج تغيرين التوقيت وتجربين تصورين بأوقات مختلفة بس حاولي ماتصورين لما تظلم السماء لانه الصورة مابتطلع واضحة.
حاولي قد ماتقدرين ماتصورين الاضاءة، لانها تعطي انعكاس فيصير جنج صورتي كتلة ضوء دائرية.

تحملي تسوين زوم أكثر من مرة، واذا اضطريت لا تكثرين الدرجة لانه يخرب جودة الصورة، نفس هنا :







ماشاءالله سيلا دايما تبهرينا بتصوريج الجميل ولقطاتج العجيبة.
استانست على فكرة الموضوع وشلون ركزتي بس على السماء باختلاف الاوقات.
العنوان جدا ملفت ، وسعيدة اني قدرت اساعدج، اي خدمة انا حاضرة لاتترددين .

كنت اتمنى ارد اول وحدة بس انشغلت، بس المرة الياية برد أول وحدة ان شاءالله .

يعطيج العافية