عيون العرب - ملتقى العالم العربي - عرض مشاركة واحدة - إما أن تموت أو أن تصبح سيئاً || فوتو

**Mārionēttē** · #3 06-30-2018, 01:41 PM

السّلام عليكم
كيفك فرح؟!

أول شي بحب أرحِّب فيكِ بالقسم
نورتينا.. وأي خدمة القسم جاهز

العنوان لفت نظري من قبل بس ما قرأت المحتوى
لكن العنوان جميل ويجذب القارئ
ومع القراءة اتّضح لي إنه هدول هم الخيارين الوحيدين
خصوصاً مع شخص متل هاد المجنون

الأسلوب جيّد
السرد جيّد جدّاً والوصف جيّد

الأحداث غريبة وغامضة ومشوِّقة
وعم تنقسم لقسمين القسم المتعلّق بفوتو
والقسم المتعلّق بسما وقصتها مع هالمجنون
لكن حسيت إنها عم تمر بسرعة الأحداث
ما بعرف إزا رح تضل بهالسرعة أو انتِ معنيّة إنّه هالجزء يمر بسرعة
وممكن هو الخيار التاني لأنّه حسيت القصّة عم تبدأ من الحقيبة اللي تركها المجنون
لكن إزا كنتِ رح تستمرّي بهالسّرعة فأنا بقترح إنّه تتمهّلي أكتر
لزوم التشويق والإثارة ولأنّه فكرتها حلوة فخدي وقتك فيها

هاد المجنون معقول قتل الولد؟!!
يبقى مجنون رسمي.. بس ممكن لا ما قتله!
وراني أكيد عنده أسبابه إنّه تزوج ع طول لأنّه واضح بحبها
بانتظار القادم من أحداث

اللغة جيّدة جدّاً
هناك بعض الأخطاء بإمكانك تفاديها مع تدقيق الفصل مرة ومرتين قبل النّشر
وبإمكانك الاستعانة بالقسم لتحرير الفصل وتعديله

الفكرة متل ما حكيت حلوة
لسّا ما توضّحت منيح لهلأ بس بتوقَّع رح يخرج منّك شي حلو

الأهم من هاد كلّه
ثابري وما تيأسي من قلة المتابعة
قدمي كل ما عندك
وأهلاً فيكِ بينّا

إلى اللقاء