همممم
من أينَ أبدأ وكيفَ أنتهي 
كيف سأصف مثل هذا الجمال ؟!
يعني تركت وقت لحتّى أكتب رد يليق لكنّي لا أزال عااجزة
لكن سأحاول..
بدايةً من العنوان
أراه مناسباً وجميلاً ويلفت الانتباه وهو الشّي اللي دخّلني لرواية كاتب مستجدّ
مستجد على المنتدى ولكن ليس َ على الكتابة 
فالأسلوب
متمِّكنة جدّاً منّه وفي الفصل الأوّل أكتر من المقدّمة
وقلائل اللي بالمنتدى بكتبو بهيك أسلوب
وهو أسلوب جميل
حبيته لسلاسته ووضوحه
الأسلوب بالإضافة للوصف هم نقاط القوّة عندك
الوصف خااارق بشكل
واستخدامك للمفردات فيه موفّق
أحببت كل الأشياء اللي وصفتيها؛
الحديقة والممر المعبّد فيها
مشاعر سمارا وحديثها مع نفسها جدّاً موفَّق
وصفك للشخصيات فيما يخص حركاتها وملابسها وحتّى الابتسامات
وصف الأجواء
الضّاحكة والصّخبة من جهة
والمعكّرة من جهة عند سمارا
وصفك للبيان  وكل شي كل شيء
مشهد خروج سيلفيا من السيّارة وإقحام تفصيل صَغير متل خاتم الخطوبة في الوصف
دون تكلُّف.. دون خروج عن السياق بجد بجد أحسنتِ
برضه حديثك عن طلاء المنزل والتجديدات اللي صارت عليه كان في مكانه ووقته الصّح
بهنّيكِ على ذلك بجد أبدعتِ
ما رح أكمِّل لو بدّي أحكي عن كل شي عجبني بالوصف والأسلوب
بجد ما فيه ولا جزئيّة إلا وعجبتني
وكنت مستمتعة ومتلذذة وأنا أقرأ
وابتسامتي أثناء القراءة هي دليل لي قبل أي شخص آخر إنّه الكتابة عجبتني بصدق
وهاد اللي صار وأنا بقرأ بروايتك
تعجبني الأساليب البسيطة
لأن الكاتب يستغل الجهد فبدلاً من إضاعته بالتّكلف فهو يبذله لجعل هذا الأسلوب البسيط يبدو جميلاً أكثر
من خلال الوصف والتشبيهات المستخدمة والمفردات والتقديم والتأخير فيها
شي تاني..
ما ملّيت أبداً وأنا عم بقرأ.. كنت فعلاً مستمتعة
ولفت نظري وصفك هُنا :
"مع آخر خطوة أخطوها التفتت كل الرؤوس نحوي كالطلقات و حملقت فيَّ ثلاثة أزواج من الأعين وقد عم سكون مفاجأ على المكان "
أسوأ شعور على الإطلاق 
بكره أكون بمتل هيك ظروف
امممم
فكرة الرّواية تبدو جميلة
بالنّسبة لي تصنيفات الدراما والعائلي أفكارها محدودة ومملة بعض الشّيء
لهيك متحمسة لأشوف انتِ ايش رح تكوني مخبية بقصتك
اللغة جيّدة إلى حدٍّ ما
العقبة الوحيدة هي الأخطاء
فعليّاً فيه كتير منها.. وأتمنّى إنّك تنتبهيلها أكتر
أمّا الشّخصيات فحبيتها كلها
انتِ وصّلتيها من خلال وصفك بطريقة صعب نكرهها
بالعادة أنا ما بحب تكون بطلة الرّواية بنت
لكن حبيت سمارا.. لنضج شخصيّتها 
أعتقد هيك بكون جاوبت ع أسئلتك
ونبهتك لنقطة ضعفك الوحيدة وهي الأخطاء
بتمنّى تنتبهيلها
امممم
ضلّت آخر نقطة
وهي قضيّة المتابعة
أبداً أبداً ما تستسلمي بسبب قلّة المتابعة
متابع واحد جيّد أحسن من عشرة على الشّجرة
حتّى أنا بعتمد على هاد الكلام بس أكتب
واكتبي وانشري لارضاء ذاتك
انتِ بالفعل قدّمتِ شيء جميل
وشيء يستحق القراءة والمتابعة
وطوّلت عليكِ فرح أقلب وجهي 
واعذريني ع نص الفصحى ونص العامية لأنه هيك بصير مع الحماس
متابعتك وعيوني عليكِ بهاي الرواية وبأي شي بتنشري من هان وطالع
أبدعتِ يا فتاة
في أمان الله 
التعديل الأخير تم بواسطة ۿـﺎلـﮧَ- ; 07-09-2018 الساعة 11:03 PM |