السلام عليكم ورحمة الله وبركاته،
شخبارج شينا؟ عساج طيبة؟
اتوقع هذي اول مرة اقرا وحدة من كتاباتج ،
المقدمة اكثر شي استوقفني، في البداية حسيت مافي ربط بينها وبين العنوان،
بس لما بدت اقرا فهمت المغزى،
اللغة سهلة الفهم، احييج لانج ماستخدمتي كلمات صعبة ماتنفهم نفس باقي الكتاب.
بالنسبة لي ذي اكثر شي ممكن يشوه كتابات الكُـاب.
كلما صعب اللغة المستخدمة كلما تعقدت القصة، مع انها ماتحتاج كل هالتعقيد،
غير انه ذي الشي ينفر القراء عن اللي كتبه.
شينا، من فترة ماجفت احد كاتب عن تصنيف الحرب.
اميل لهالتصنيف بشكل كبير، سواء بالانمي، المانجا أو حتى الكتب.
مو الكل يقدر يكتب عنه، بس اقدر اقول انه بدايتج موفقة،
الـRo.0 تقريبا نفس الجواز الفرق انه له استخدام يومي.
بدون لايحسون صار هالجهاز يسيطر عليهم بدل لايسطيرون عليه هم.
*احتاج هالجهاز في حياتي .
ميتشيرو وكازومي، علاقتهم تذكرني بعلاقتي باخوي لما كنا صغار،
كنا دايما نتهاوش ونعاند بعض،
الجماعة اللي شاهدنا معهم مشادة ميتشيرو وكازومي، من جماعة تحرير اليابان؟
اتساءل اذا كانت بتدخل قوات من دول ثانية؟
لكن ما بيكون ازالة الجهاز جزء من نقطة ضعفهم، على الاغلب باقي الجنود من البلدان الثانية تستخدمه في الاسلحة، هل بيشكل هالشيء عائق لمهمتهم؟
اسلوبك سهل المتابعة، والاحداث رغم انها البداية الا انها سلسة.
اكره شي عندي لما تكون في محادثة قاعدة تصير بين الشخصيات، وفجأة تنتقل احداث القصة لمكان ثاني بدون اي مقدمات.
يعني مثلا محادثة ميتشيرو وكازومي، وفجأة مرة وحدة نكون في مبنى مجهور او مدينة ثانية> مادري فهمتي علي او لا؟
الزبدة انج ماسويتي هالشي، وتستاهلين تصفيق *فيس يصفق*
البعض، يعتقدون انهم لما يسوون جذي انهم زادو الاثارة والاكشن، بس بالأصل ضيعوا القارئ المسكين اللي مايدري شسالفة.
بكون ان شاءالله من المتابعين، حبيت اجواء القصة .
شينا ارسيلي رابط الفصل الجديد، ألف بالامية بتأخر بالرد، لكن برد ان شاءالله،
بالتوفيق بالمسابقة
التعديل الأخير تم بواسطة مَنفىّ ❝ ; 07-10-2018 الساعة 12:30 AM |