السلام عليكم ورحمة الله وبركاته،
شخبارج لاتيسيا؟عساج طيبة؟

"التاريخي، والخيال العلمي، والتراجيديا"
اكثر التصنيفات اللي تجذبني

في تصنيفات استهلكت من كثر الكتابة، اعرف في النهاية ان الكاتب هو من يحدد التصنيف بحكم انه من يكتب،
بس في نفس الوقت القارئ دايما يدور عن شي مختلف، مثال :اذا كانت اغلب القصص عن التصنيف التاريخي، اكيد بعض القراء بيدور عن قصص ثانية تحمل طابع مختلف. >مجرد مثال لا اكثر.
الشي الثاني، انا انسانة وايد احب اقرأ، بس أفضل الكتب الورقية، بس ذي الشي مايمنع اني استثني بعض الكتابات، لانه في اعضاء صج مستواهم يبهر في الكتابة. لكن افضل تكون اقصر، لانه مارتاح وايد اذا قعدت اقرا من جهاز سوى من الفون او الاب.
احب انتقد، وطبعا ماقصد اني اركز على الجوانب السلبية ابدا، بس احب اني اساعد الكاتب يتطور، احس كأنه الشخص طالب عندي او اخوي/اختي الصغيرة . وهالشي يصير عندي وايد لما اقرأ كتب حتى. بس للأسف صعب اوصل للكتاب .
شسمه في وحدة قبل ارسلتي خاص لاني انتقدت قصتها، مع اني ابدا ماعبت عليها، بس وجهت لمواطن الاخطاء عشان تقوي من كتاباتها، الزبدة البنت زعلت فصرت اتجنب اني ارد على الكتابات عشان محد يتحسس .

يمكن لانه فئة كبيرة تعودت انها تعطي واحين بالمقابلة هالفئة صغرت؟ بما معنى الكتاب كانوا اكثر مقارنة بقبل ونفس الشي للقراء. يمكن لانه الأغلب توجه لوسائل التواصل الاجتماعية، وللتطبيقات اللي ينحصر اهتمامها اكثر على الكتابة؟

2013 الصراحة ماذكر اذا قريت هذيج الفترة من هنا ، فماقدر اقارن باللي كان والي صار.
مشاءالله جهود المشرفات جدا واضح، كريستالة ولورين وشينا. افكارهم جدا جميلة وماتخلص ماشاءالله.
ونفس الشي لباقي الاعضاء لاتيسيا واماسيا والكساندرا ..والخ.

ردي عشوائي نوعا ما ، بس اتمنى اني اكون عطيت الموضوع حقه ،