عيون العرب - ملتقى العالم العربي - عرض مشاركة واحدة

**Memories Of The Past** · #12 07-26-2018, 01:15 AM

[CENTER]

لينارا -

السلام عليكم ورحمة الله وبركاته

شلونك صديقتنا؟..ان شاء الله بخير و صحه و سلامه

الموضوع كلش حلو و يستاهل احسن الردود و مبروك الختم

المعلومات اللي قدمتيها النا خوش معلومات و مفيده هوايه و بالأخص اكو هوايه يجهلون مثل هكذا امور تتعلق بمختلف جوانب حياة الانسان و محيطه

و اني اكول ليش تحصيلي العلمي نازل لان اكو معلومه تكول انو الواحد اذا يضحك و ميسيطر على ضحكته يزيد تحصيله الدراسي و اني ما اضحك هوايه بالأخص اخير فترة

و بالنسبة لمعلومة البكاء فهاي صحيحه مئه بالمئه لان فعلا تجيني اوقات اتضايق بيها نفسيا و بس تنزل الدمعات احس براحه بعدين سبحان الله

و معلومة البكاء على اقل كلمة اوافق العلماء على هذا الرأي لأنو صحيح لمن تكون تعاني من ضغط نفسي شديد و بعدين تمر بموقف او تسمع حديث يذكرك بشي مؤلم او محزن يخليك متقاوم بكائك و الأفضل تغير مكانك لأن تنفجر بالبكاء مباشرة

و المعلومه اللي تكول وجود الاشخاص ذوي الملامح الجميله يحسن المزاج فهاي جديده بالنسبه الي و غريبه نوعاً ما

و اما بالنسبه لضرب الاصدقاء لبعضهم على اساس المداعبه فهاي متعجبني و ما احبها لان مهما كانت العلاقه قويه لازم اكو حدود من هايه الناحيه ولكن اكو هواي اصدقاء ما عدهم اعتراض على هاي الفقرة و كلش عادي هم حلو بس اني ماحب

و بالنسبة للشوكولا اني اعرف مفيدة للبشرة و للوجه كقناع بس بالنسبة لفوائدها الثانيه هسه عرفتها

هنيال اللي ياكلون براحتهم و باقين نفس الوزن هذوله ما شاء الله عليهم الله منطيهم نعمه لازم يشكروه عليها دائماً و طبعاً لازم نحمد ربنا على كلشي

و بالنسبة لأول معلومه اللي تتكلم عن موضوع العزله فما ادري لان مرات احس محتاجه للوحدة و مرات احس العكس بس اكدر اكول اي نعم صح لأن اكو ناس اعرفهم يحسون الوحده احسن بس تدرون؟ الوحده احسن من وجودكم بين اشخاص منافقين و سلبيين و خلينا دائماً مع الايجابيين

و طبعا اذا ابقى اعلق على كل معلومه ما رح اضيف الرد و راح اتأخر اكثر بس على العموم المعلومات و تنسيق الموضوع و الخلفيه كلهم حلوين مثل صاحبتهم

اتمنى من صاحبة الموضوع ان تعذرني على ردي البسيط

و بالنسبه للهجتي بردي فهي عراقيه و اتمنى تكون مفهومه

يا رب اكون خفيفه الظل بمروري على موضوعك الجميل..قلب7
اتمنالك الخير ..
اختك..

>>ذكريات<<