 ســـــــــــين....جــــــــــيم
سين: قصدي كنت بسأل كيف الحال يا صبية؟
جيم: وش جابك تراني هذا حبك صرت أمله
=
سين: صح إن التـــحية ما ترد إلا بتــــــحية؟
جيم: هذا عـــرف أول لا تحـــاول تستغـــله
=
سين: هذا رد حبي قسوة.. وصد وأسية؟
جيم: غيرني زماني وأدري إن بابي تدلـــــه
=
سين: ممكن بعض روحي يوم أقدمها هديه؟
جيم: تعطي ثم تاخذ ابتعد..والـــــــعاطي الله
=
سين: وانتي بس ليش ما تهدي شويه؟
جيم: لو ما أبعدت عني بابتليك بألــــف زله
=
وبالفعل هي ابتلتني بين جمعات البريه
وطلبوني باتهام كبل يديني..بغلــــــــــــــــه
=
صار حالي صمت دهشة قاعة حظور مليه
واصبع اشر لوجهي حط فيني كــــــل عله
=
صاح صوتي بانفعال وقلت: ماني للخطيه
كل ما قالته عني..صدق ماهو..في محـــله
=
حضرة القاضي تراني بأنقض الدعوى عليه
والإدانه مو إدانه لين تثبـــــــــــت..بالأدله
=
ربي يا قاضي بيحاسب اذكر الله ثم نبيه
واسمع اللي لك بقوله قبل ما حكمك تهلــه
=
كانت الطفلة صغيرة واسألوا عنها يديه
ياما طبطب لبكاها لين تصبح مسفـــــــهله
=
واسألوها يوم عطفي سيف قدمته عطيه
كيف تتجرأ عليّه ثم في وجهي تســـــــله
=
واسألوها عن حناني يوم تتظلل بفيه
كيف تنسى بعد هذا يوم تتفيا بظــــــــــله
=
سيداتي آنساتي سادتي ترى القضيه
انها ملّت غرامي ثم نست معروفي كــله
=
أقسم أني ما خطيت ونفسي من هذي بريه
والزمن يدري بكلامي يوم تجمعنا الأظله
=
اعتذر عن ها لإطاله روحوا لوموا هالصبيه
وعلموها كل موقف بالعقل لازم تحـــله
=
قبل مطلع صاحت أوقف شفني بأصبح لك وفيه
واعتذر لك قلت؟ مقدر دام حبك صرت أمله؟!
=
شعر/ حيدر الجنيد
التعديل الأخير تم بواسطة عيون الطفولة ; 06-02-2006 الساعة 12:43 AM |