السلام عليكم ورحمة الله وبركاته


كيفك ميينو الغالية بتمنى انك منيحة وبصحة جيدة

وانو دراستك ماشي حاليها ومضبوطة وكلشي بخير وتحت السيطرة

نجي لموضوعك الي بيجنن واكثر من رائع وبالطبع راح احكي رئي

كمتذوقة للفن لانو ماني رسامة محترفة ولو حبيت ارسم بتكون النتيجة

مجموعة من الشخابيط الي بتصدمني صراحة طموحي أكثر من مؤهلاتي.

عنوان الموضوع عبق كلماتك يزلزل صباحي.. حبيت العنوان معبر كثير واختيار مناسب

للموضوع مع انو موضوعك عبارة عن رسوم مو كلمات بنوب بس بضن انو الرسوم

كمان هي عبارة عن كلمات بس مصاغة عن طريق خطوط وألوان.




رسمة بتجنن ومعبرة ... متقنة الى حد ما والألوان الي اخترتيها

مناسبة وضافت عليها طابع راقي صراحة بس هي العيون الي


مابعرف حسيتها مو زابطة مابعرف ازا انتي رسمتيها هيك عن


قصد او ما زبطت معك بس حسيت انو لو اترسمو العيون

بطريقة احسن شي كانت النتيجة ولا أروع.




هالرسمة حبيتها كثير لانو رسمة لشخصيتي المفضلة

حبيت كيف انك رسمتي كل شخصية على حدا وحطيتي

رسمة العيون كمان.. الألوان الي اخترتيها كانت مناسبة

كانها رسمة حية وحبيت كيف دخلتي الصورتين ع بعض.




هالرسمة اخدت قلبي صراحة ضليت عم اتطلع فيها فترة

هي رسمة لنص وش بس طريقة الرسم وتنسيق الألوان

كمان الفكرة بحييكي عليها... تسلميلي حبيبتي على هالحس العالي.




رسمة كثير حلوة حبيت الفكرة انو لونتي بس الشعر وتركتي باقي

الرسمة ملونة بلون باهث كانو كان بس بدك تعطي قيمة

لرسمة الشعر.. حبيت تداخل اللون الاصفر والاسود

رسمة الايدين حلوة بس لو اتزبطت اكثر

كانت الرسمة طلعت احسن بس حتى وهي هيك ولا أروع.








هالثلات رسمات اكثر شي حبيت بالموضوع مع انو كل

الرسمات ماشاء الله عليهم مشتغل عليهم باحساس

ومجهود بس هاد نوعي المفضل من الرسمات الي

يكون ماليهم تناقض ومتضادات بميل الهم اكثر

كيف بتجمعي تعبيرين في وش واحد شي مانو

سهل وبدو خبرة ودقة ورسم واعادة رسم لتزبطي الرسمة.

برافووو طلعو بيجننو كثير من أروع الرسمات

الي شفتهم بالمنتدى.




رسمة جنان كيف ماحكيت فوق بحب الرسمات التعبيرية

أكثر الي بتضم جواتها معاني أو رسالة حبيت العيون وعبارة

الوش رسمة الايدين والقلب الاحمر الي طلع روعة مع



رسمة الفستان الأزرق... رسمة العروق المنتشرة حد القلب.





حبيت رسمة الشعر والايدين ورسمة التي شيرت المتموج

مع خليط بين الابيض والازرق الفاتح... صورة تعبيرية أخرى

أبدعتي غاليتي ماشاء الله عليكي كمان رسمة الايدين مو زابطة


كثير بيلزمك بس تركزي على هالنقطة ورسوماتك راح تصير

خطيرة ومافي منها.



رسمة كمان جنان حبيت رسمة طوق الورد

وخليط الأخضر والأحمر ورسمة الورد زبطت معك

كمان رسمة الشعر ولونو الأزرق.. رسمة الجسم كمان حلوة

بس حسيت انو ضخمتي الرسمة اكثر مما يجب كمان

رسمة الايدين طلعت ايد ضخمة لو صغرتيها كانت طلعت أحسن

في جميع الأحوال ما شاء الله عليك غاليتي كل الرسومات جنان

واستمتعت وانا عم اشوفها وبتمنى شي يوم اعرف ارسم

ولو ربع الي عم ترسميه موفقة بمسيرتك استمري وثابري

وان شاء الله راح تصيري رسامحة محترفة.

كوني بخير

شكرا لكِ يُونا . على الطقم الأكثر من رائع