عيون العرب - ملتقى العالم العربي - عرض مشاركة واحدة - راقي

**باندورا** · #4 12-06-2018, 08:16 PM

[img3] http://www.arabsharing.com/uploads/153167236754813.gif[/img3] [img3] http://www.arabsharing.com/uploads/153160050606769.png[/img3]
Y a g i m a

السلام عليكم ورحمة الله وبركاته

كيفك توفي شان الغالية ان شاء الله منيحة وبخير

وكل اوضاعك مضبوطة وتحت السيطرة

نيجي لموضوعك حبيت فكرة دمج الرسوم القديمة والجديدة

هيك الواحد فيه يقارن بيناتهم لايعرف الشوط الي قطعتيه

والتطور الي وصلتي الو وانا شايفة تطور لا يستهان به

ماشاء الله اكيد بدلتي مجهود لتصير عندك احترافيه اكثر.

اول شي حبيت تصميم الموضوع حسيت الهيدر كانو شي لوحة سيريالية

من كثر ما اندمجت فيه خامات وتأتيرات والرندر كمان كان روعة

حتى لو كان تصميم جاهز فاختارتيه مناسب لطبيعة موضوعك.

حبيت هالسكيتش كثير مبين مشتغلة عليه كثير فيني ألاحظ بقايا خطوط

مسحتيها بس ضل أثرها.. رسمة الشعر والجسم ورسمة الفستان حبيتها

رسمة الشعر طلعت حلوة وكمان رسمة العيون والنجوم الي تحتها.

هالرسمة او هالسكتش بشوف فيه تطور بالخطوط والظلال

حبيت رسمة العيون والشعر اكثر شي.. رسمة الشفايف

كانها بدها تزبيط شوية وتطلع الرسمة جنان على الاخر

هالرسمة فيها تطور واحترافية أكثر حتى دقة الرسمة صارت أحسن

الشعر والوش والجسم كلشي دقيق ومشتغل عليه باحترافية ماشاء الله

رسمة الايدين كمان طلعت روعة الاغلبية بيعانو من مشكلة رسم الايدين

بس بضن انو رسمة الادين عندك مزبوطة ومحترفة في هالشي.

هالرسمة حسيت انو رسمة الشعر خورافية فيها واحترافية

كمان رسمة اليعون ضليت اتطلع عليها بتحسيها حقيقية

وفي اي وقت بطل هالرسمة راح يبلش يبكي.

رسمة الجسم حلوة زبطت معك وان شاء الله مع الوقت راح تزبط اكثر

شو هالفخامة يا بنت شي رائع من الاخر الرسمة كثير دقيقة

والألوان كثير متناسبة وحية ومناسبة للرسمة... رسمة الشعر والعيون

شي خورافي تقدم مذهل بس اشوف مثل هيك روعات بروح حاول اقلد

هالرسمات بيطلعو معي مصايب وبلاوي .. فاشلة بالرسم

بتذكر رسمة بيكاتشو حسيتو راح يطلعلي من الرسمة يحكيلي

حرام عليكي خربتي سمعتي خربتي الكياتة الي فيها.

رسمة روعة كمان العيون الشعر الالوان ورسمة الايد قديش زابطة

جد في تقدم مذهل حتى في رسمة التي شيرت الحدود والخطوط

وكاس العصير بالالوان الي مزجتيها حسيتها كانو المشروب بيتحرك.

وكيف مابيحكو ختامه مسك شو هالرسمة الخرافية الي بتجنن

رسمة القبعة الشعر العيون الوش كلو.. اللبس والشنطة

شي بياخد العقل شو هالابداع يافتاة عن جد تطور رسماتك

كان شي ممتع وبعت في قلبي الأمل انو اي شي بدو تمرين كثير واصرار

وانو اكيد بالاخر راح نحصد كل الي عم نتمناه... جولة ممتعة عن جد.

بتمنى تتابعي هالابداع وتستمري بمواضيعك الرائعة ولا تحرمينا

من رسوماتك الراقية ويستمر هالعطاء وماينضب في يوم

كوني بخير غاليتي