السلام عليكم ورحمة الله وبركاته
كيفك حبيبتي الغالية فلور شو اخبارك بتمنى انك منيح وبخير
وكل امورك تمام ودراستك عال العال… ماشاء الله عليك ياعبقرية
عيون العرب بفتخر انو الي اخت صغيره مثلك شطورة في كلشي
وعقلها يوزن بلد وأفكاره شاسعه وعميقه ومابيستهان فيها…
كالعاده مواضيعك رائعة وفخمة و اختيارات بتكون جديدة ومن مواضيع الساعه.
صح من يوم ما انفتحنا على الحضارة الآسيوية عامه سواء الكوريه أو
اليابانية أو حتى الصينية ونحنا نهمين لمعرفه كثير معلومات عن
هالحضاره الي بتشبه الحضاره العربيه في بعض الأمور.
المطبخ الياباني مطبخ عالمي وشهير وأكثر اطباقهم عباره عن لوحه
فنية رائعه ومحسوبة بمقياس مافي مكان الغلط.
بالنسبة للأمن الياباني بضن هو مبني ع نفس مبادئ الأمن الكوري
يعني نفس المكونات البصل الأخضر والفلفل والمشروم حتى البيضه
الي بتقدم مع الطبق وهو فعلا طبق صحي وغني ومابيتطلب لا وقت ولا مجهود مشان ينعمل.
بالنسبه الشاكي ترياكي صراحه اول مره اسمع عن هيك طبق بس شفت
انو طبق سريع التحضير كمان وكالعاده بيحبو ياكلو السمك أو شبه ني يعني
مو مطبوخ منيح… مده دقيقتين ماضنيتها كافيه
لطبخ شرائح السلمون بس هو طبق صحي كثير منوع وغني وسريع
يعني الواحد جاي من برا تعبان من شغلو أو دراستو ومافيه حيل يضيع
وقت ولا مجهود بالمطبخ فيه يعمل هيك طبق مغذي بسهوله.
البيف ترياكي كمان اول مره اسمع عنو من مكونات شرايح اللحم بس
بتنطبخ لمده خمس دقايق مو كافيه لنضج اللحم حيكون نص مستوي.
شو بيحبو اليابانيين ياكلو اللحوم أو الأسماك نيه أو شبه نيه بضن
هاي من عاداتهم وكمان بيطبخو بزيت السمسم والصويا.. كمان طبق صحي ومفيد.
تشيكن الترياكي فهمت كلمه تشيكن منو وهي الدجاج…. وأخيرا شي
ناضج الدجاج بينطبخ لمده نص ساعه بالفرن شي حلو كمان حبيت
الخصوص الي انغمس فيها الدجاج اكيد حيعطيه طعم آخر.
عن جد استمتعت بموضوعك حبيبتي وكثير شاكره الك على المجهود
الخرافي وبتمنى عطائك يستمر وتفيدينا دائما غاليتي.
كوني بخير دائما.
__________________
شكرا لكِ يُونا . على الطقم الأكثر من رائع
التعديل الأخير تم بواسطة Florisa ; 12-31-2018 الساعة 03:06 AM |