بسم الله الرحمن الرحيم السلام عليكم و رحمة الله و بركاتو كيف حالك أورا كُن؟؟.. أتمنى يكون كلّو تمام عندك  أهخخ من زمان ما كتبت رد لأحد بس شكلو اليوم حخلّص نشاطي كلّو بالردود.. ودا شي غير مُبشّر بالخير  . فكرة إنّو في شي يتعلّق بنيفرلاند ما أرد عليه تحسّسني بالنبوذ! دا أحد الانميات إللي تتكرّر مرّة بالتاريخ!!.. لي فترة طويلة أدوّر ع انمي كِدا رهيب وغامض و بنفس الوقت مافيلو قوة خارقة والهرجات دي، تخطيط وغموض و مفاجآت ياربّيييهه حمااس  . * بالنسبة للعنوان: خَفايا ميتم - آلة حصاد * [ The Promised Neverland ] خفايا ميتَم هدي لوحدها تخلّيك تشتعل حماس !!.. أحس اختيارك للعنوان رهييبب رهيببب ما كانت حتخطُر ببالي أبدًا.. مجرّد إنو أشوف اسم الانمي بالعنوان أحس كأنّو يسحرني للدخول للتقرير . *
" وقبل أن اعرف موقع فشلي .. وجدت فتيلًا مشعلًا في داخلي  ..
لا يوجد إله ندعوه ولا نجوم نتمنى منها " بالمدخل استخدمت كلمات من الأوبيننغ، والصراحة مع إنّو سمعت الأوبيننغ أكتر من مرّة إلّا إنّو كتابتك لها كمدخل جابت لي القشعريرة!  .. كان اختيارك موفّق للمقطع. * جمعك للمعلومات مذهل !.. كل التفاصيل الإنتاج التحريك والرسوم كلّو دا جبتو، أهنّيك الصراحة قمّة الإتقان بالعمل.gif "Icons(7)")  .. وفكرة إنّو نتعرّف ع أسماء طاقم العمل حتكون أفضل بما إنّو أحوب الانميات و أتابعها بين فترة و فترة، فتعرّف إنّو الانمي رهيب أو لا من قبل ما يعرضو بسبب تعرّفي ع طاقم العمل. والصراحة أعمال استوديو A-1 Pictures رهيبببةة دايمًا المُفضّلين عندي، ودايمًا انميًاتهم فيهم فخااامةة حتى لو ما كان التصنيف يعجبني بس أستمتع بأغلب انمياتهم  . طريقتك بكتابة القصّةةةة تحمّسسسسس!! أورااا ما شاء الله ما توقّعت التقرير يكون كِدا.. كميّة فخاااممةة لا توصف بالتقرير، من معلومات و طريقة سردك لها. دايمًا سوّي تقارير جميلةة كِدا.. أعتقد تقدر تجرّب كتابة قصّة قصيرة؟؟! :" class="inlineimg" />. أحوب شخصية نورمان و راي، يمّهه راي يخقق هو وجنونو أهخخ .. بس تاريخ ميلادو راح، بس عالأقل عندنا تاريخ ميلاد إيما و نورمان  . * الصراحة الانمي فخم و يستحق التقرير الفخم دا ، رائع بكل معنى الكلمة، حبّيت الموسيقى التصويرية والألوان و الرسم.. التحريك و تتابع الأحداث دا كلّو يخلّيك تتحمس للانمي، مو بس تتحمّس لا كمان تخاف معاهم و تدخل معاهم بأجواء الرعب والفرح و التخطيط!.. أعترف إنّو منزمان ما مرّ عليّا انمي بدي المواصفات .. مدهش بحق!. تنسيقك للموضوع كان توحفااهه ، هدا غير عن الطقم إللّي أساسًا صمّمتو و أنا مستمتعة بيلو !.. ويمكن استمتاعي دا كان لو نتيجة أهخخ فخورة إنّو الطقم زي دا يُستخدم بدا الانمي و دا التقرير الفخخخخممم حرفيًا. أشكرك جدًا ع الجمال إللّي قدّمتو لنا ما أقدر أقول إلا إنّو أستمتعت لأقصى درجة، والانمي يستحق .. أتمنى أشوف جمال طروحاتك مرّة تانية، لا تنساانيي لأطعنك '^' لكَ كل ما هو لطيف ، فكُن بخير دائمًا. #ميّوم  -
__________________
••• •
-
التعديل الأخير تم بواسطة νισℓєт ; 04-21-2019 الساعة 03:32 PM |