 بسم الله الرحمن الرحيم السلام عليكم و رحمة الله و بركاته كيف حالك أورا كُن؟!  .. أتمنى تكون بأفضل أحوالك وتقبّل الله منّا و منك صالح الأعمال، الله من زمان ترا أدوّر ع الانمي إللّي فيلو دولا الأختين التوأم   ، مرّة من زمان أبا أشوفو و لا ادري إيش أسمهم ولا من أي انمي و مهما بحثت ما لقيتهم. ودحينَ دا الموسم لقيت انمي جمعو فيلو أربع انميات شوفت شويّة منّو بس ما فهمت لأنّو ولا انمي فيهم قد شفتو  ، بس لمّا ششوف الأختين رجعت نفسي أشوف الانمي XD عنوان الانمي أطول منّي XD موشكلااه و اللهِ عشان كِدا ما قدرت ألاقي بما إنّو اسمو طويل مرّة، بس حمااس تحمّست بما إنّو فيلو شي كـ " بدء الحياة في عالم آخر "   . أههههخخخ المدددخخللل!! " أنا محاصرة بداخل الماضي الخاص بي ضائعة ، أخبرني بأن كل هذا غير صحيح،
فأنا شخص لا يستطيع السيطرة على كل هذا الضغط بهذه السماء الضبابية التي جعلتني أتسائل اين العالم،
بقي الشيء المهم بالنسبة لي هي هذه الذكريات التي لا تنسى مهما حدث "
  هيذي أناااا!
نفسييي كأنّو الكلماااتت تمثلنيي  ، أهخخ في دكريات موستاحيلل تنساها أبدًا، مهما حاولت تبقى في داكرتك حتى لو الدكرى ما سارت تهمّك زي زمان بس برضو ما تقدر تنساها أبدًا ):  . ما تعرف قد إيش أحوب المداخل إللّي تكون مقتبسة من ترجمة الأوبيننغز
والإندينغز ، تكون فيها كميّة مشاعر جمييلااه، حتى بعض الأحيان وإنتَ تقرأ الكلام تحس بالشعور ملموس وإنتَ مجرد إنّو تقرأ وبس . بعدينَ المدخل دكّرني ببعض الناس إللًي من كُتر وهمّ فاضين يحفظو الأغنية اليابانية بالكلمات و الترجمة الإنجليزية
يحفظها و الترجمة العربية كمانَ لدرجة يقدر يسمّعهم بسم الله ما شاء الله لا تعليق هههههههههههههههههههههههههههههههه < تتكلّم عن Yozu XD بالنسبة للأوبيننغ ما يبشّر بالخير، أخاف تكون الموسيقى التصويريّة بنفس مستوى الأوبيننغ دي، لكن ترجمتها تهون ):. تقريرك رهيب دا مع إنّو ما شفتو، أجل كيف لو شفتو إيش حتنزّل لنا تقرر نووي؟! < قصدها سلاح نووي بس خانها التعبير (: رهيييبب فخخمم التقرريررر ما شاء الله كااامملل و الكمال لله، مرّة أفتخخررر إنّو تقرير فخممم كِدا يُستعمل فيلو أحد تصاميمي أحس التصميم بنفسو يشكر ربّنا إنّو سار لك .. كميّة اللطافة و التنسيق و الترتيب بالتقرير تخقّق! ، بعدينَ عرفت فيك إنّو دايمًا تقاريرك حق الانميات تكون مُتكاملة كِدا وتتفجّر جنان ما شاء الله . اسم الانمي بالياباني حبّيتو كأنو خرابيط لوحة فنّية ، خاصة إنّو الاسم طويل فسار تشكيلة من الجمال و الفن، الصراحة أحس اللغة اليابانيّة تحفة فنيّة بكتابتها أهخخ . الاستوديو دا نفسهم إللّي سوّو أكامي غا كيل ولّا؟ '^' .. شكلو رهيب الانمي بس فيلو تمطيط مع احداث بطيئة، إمكن لأنو أكامي كان فيلو أحداث بطيئة شويّا.. كمانَ تحمّست
أقرأ الرواية أكتر من إنّو أشوف الانمي . إللّي حمّسني لحضور العمل دا هو: " وقع في حلقة زمنية مفرغة أيضاً وكلما مات يعود مرة أخرى عند نفس النقطة! " دا إللّي منجد يقول لي: ميّوم شوفي الانمي!.. الانمي!.. الانمي!.. < صدى xD
كميّة السعادة و الفرحة إللّي حسّيت فيها لمّا شوفت دا المخلوق اللطيف ما تنوصِف!.. يااربيي كيييوتت أبا آكلللووو Puck حتى اسمو يدل ع كائن لطييف و خقّة كِدا كمانَ شخصية بياترس أحسّها حتكون أحد الشخصيّات المحبوبة لي ، كونها صغيرة الحجم و كبيرة العمر، ستايلها
لطيف كأنّو دمية مو شخصية انمي، كمانَ معرفتها الواسعة إللّي حيكون لها دور كبير في مساعدة الشخصيّات الأساسيّة أهخخ . والعرض الدعائي إللّي لمّا شفتو عطول جا قراري إنّو حختّمو خلاص ):.. العرض الدعائي يحمّس و فيلو دراما كتيرة شكلو وهزائم
وخسارات و قتالات حماسيّة يمّااااههـ!! خلاص عطول حطّيتو بالقائمة أول ما شوفت العرض الدعائي. ياااخخي أوراا شوكرًا لك بحجم السماااء ، دي كانت أحد أمنيّاتي الصغيرة إنّو ألقى الانمي، إنتَ ما جبت لي الانمي و بس، لا كمانَ حمّستني للمتابعة ): الصراحة مرّة أستمتعت و أنا أصمم الطقم، و ترتيبك و تنسيقك للتقرير زاد الطقم جمال و هيبة!.. أخرجت لنا بتحفة فنّية بحتة .. مُتابعة لأعمالك مستقبلًا، لك كل ما هو جميل، فكُن بخير دايمًا.
#ميّوم  #لنرتقِي
-
__________________
••• •
-
التعديل الأخير تم بواسطة Snow. ; 05-13-2019 الساعة 04:22 PM |