عيون العرب - ملتقى العالم العربي - عرض مشاركة واحدة

**Mārionēttē** · #39 07-09-2019, 02:06 AM

السّلام عليكم ورحمةُ الله وبركاته
كيفك سراب؟
مرحباً فيكِ من جديد

بدايةً أنا أكره الشّخصيّات المنفصمة
بحب الشّخصيّات الواضحة
لكنّي أستطيع تقبل شخصيّة السيّد دومينيك كون هذا مو محور ومتطلب الرّواية
لكن ياخِ ليه هو هيك ؟!! غضب1
رح يفصمني معه
مدري شلون هالبنت المسكينة متحمليته
لا بالأخير بتقله أرجوك لا تتركني
ولك لو مكانها زغرتت بس جاب سيرة الطّلاق
بس واضح إنها هبلة وعبيطة
أصلاً بتستاهل

يعني دويمنيك منفصم بعذر
لكن هي مالها عذر هههه
فيني أعتبر إنّه شخصيتها مترددة وضايعة
لكن ظروفها نوعا ما بتبرر تصرفاتها

دومينيك مصاص دماء؟!
أتمنّى إنّه لا
وإنّه القصّة تتوقّف عند كونه منفصم
ترى مو ناقصه عاهات
+ بخصوص هذه النّقطة
أتمنّى يكون فيه مبرّر قوي وحبكة منطقيّة لقصته
لحتّى القارئ يقدر يربط الخيوط ببعض لتكتمل الصّورة مع الأحداث

وهاد آنيل طلعلنا من وين؟!! غضب1
ناقصتك الشّغلة هي؟!
ترى الأحداث رح تاخد منحى مختلف مع ظهوره.. الله يستر
لكن طالما بتحبه وهو بحبها
والسيّد دومينيك أولريدي عرض عليها الطّلاق فلازم ترجع ركض لحبيبها الأوّل
وخلّ دومينيك يعيش بحسرته

مممم
بالنّسبة للملاحظات
عندي ملاحظتين
الأوّلى، أتمنّى تدققي إملاء الرّواية.. يعني ما رح ندقق ع النّحو بس ع الأقل الإملاء يكون مضبوط
الشّي التّاني وحسب قوانين القسم اللي قرأتيها الإسهاب في المشاهد الرومانسيّة ممنوع
لحد هلأ ما شفت شي مخالف لكن حبيت أذكرك عشان الفصول والمشاهد القادمة

أمّا بخصوص المستوى العام
فمرّات عم بحسّه بتحسّن مرّات برجع متل الأوّل
لهيك نصيحتي إلك إنّه تاخدي راحتك بكتابة الفصول.. حتّى لو لاقيتي ضغط من المتابعين
+ تخيلي المشهد كامل قبل كتابته
وتخيلي التحرّكات اللي بتهمّك بالمشهد والنّظرات والملابس وتعبيرات الوجه
وانقليها لنا متل ما عم تشوفيها + ابدعي بالوصف والسّرد
لا تكتفي بكتابة أوّل ما يخطر ببالك.. بل اكتبي أفضل ما تتوصّل له مخيلتك ومفرداتك

وأنا سعيدة جدّاً باهتمامك بتحسين مستواكِ
وقبولك للملاحظات هو أوّل الطريق
ما تستسلمي.. وطالما بدأتِ شي فلازم تنهيه

باي باي