عيون العرب - ملتقى العالم العربي - عرض مشاركة واحدة

**Mārionēttē** · #2 07-17-2019, 03:06 PM

هلأ رح نعمل شي متل ميدالية باستخدام السيليكون
شي بسيط لكنّه جميل

نهفة مو؟!

المتطلبات متل ما بالصّورة
- أصابع سيليكون.
- مشرط: أفضل من السّكين.
- سلسلة بأي شكل موجود عندكم
- خاتم: أي شكل بتحبوه، أو ممكن سيلك عادي وتعملو الشّكل البدكم ياه.

- رح نقطع جزء من اصبع السيليكون باستخدام المشرط
وشرط يكون المشرط مسخّن لحتّى يكون القطع أسهل
بدون هيك بكون صعب فبلاش تجرحوا نفسكم بالمشرط فلازم يكزن مسخّن.
متل هيك:

- باستخدام المشرط المسخّن نقدر نعمل الشّكل اللي حابينه
متل هيك:

وطبعاً أنا صبغتها وردي.

- هلأ رح نجيب الخاتم أو الشّي اللي اخترتوه ورح نلفّه على القاعدة.
متل هيك:

هيك عم تصير أكيت شوي

بعد هيك بنجيب حلقة وبنسخنها وبنغرسها بقلب القاعدة لحتّى نقدر ندخِّلها
بالسّلسلة متل ما شفتو فوق

وعشان نعمل القطع التانية
بنقطع كمان جزء من اصبع السيليكون بالطول البدكم ياه
وبعدها بنقسمه قسمين
متل هيك:

طبعا استخدمو المشرط السّخن لحتّى ما تجرحو حالكم ويكون سهل عليكم.

ومتل ما شايفين بالصّورة
ممكن نستخدم بتلات الورد لحتّى نزيّن خلفيّة القطعة ورح تبين الزينة من الأمام
وأنا جرّبت هالطريقة وما زبطت معي

لهيك استخدمت مناكير لتلوين الخلفيّة
وطلعت معي هيك:

لحتّى تعطوها لمعة من الأمام ممكن تستخدمو مناكير شفّاف
واغرسو براسها حلقة ورتبوها بالسّلسلة اللي اخترتوها بالطريقة اللي بتحبّوها

وبهيك بنكون خلّصنا

جرّبوها مع أولادكم وبناتكم