عيون العرب - ملتقى العالم العربي - عرض مشاركة واحدة - The Beautiful Latin || Suriname

**Rαin** · #7 08-08-2019, 12:44 AM

‏

السلام عليكم ورحمة الله وبركاته،
حيالله فريق البنوتات
من زمان وخاطري أعق على اسم الفريق بس خفت أدخل مقركم وانطرد .
فقلت يابنت الناس استهدي وحافظي على كرامتج، وخلج قاعدة في محلج .
فاحين لازم اعلق واقول اختيار موفق .
جدا حبيت الاسم خفيف ع اللسان وانيق في الكتابة " class="inlineimg" />

ماعرف من وين ابدا بس لازم اتحلطم على هيا، .
من فتحت موضوعكم وطلعلي مربع التحميل، قلت ذي فايروس مايبيله تفكير .
تصروعت صج، تالي استوعبت شمسوين .
أهنيكم على الفكرة، ولو انها خرعتني .
نروح لموضوعكم الفاتن
بسم الله ماشاءالله، شغل مضبوط ومتعوب عليه.
بداية بالطقم الخرافي، حبيييت البرتقالي اللي فيه ::
ولانكم استخدموا البرتقالي انتو خلاص فريقي المفضل .
وثاني شي تنسيق الكلام، تنسيق الكلام بالنسبة لي يشل الروح والقلب وكلشي ::
وأعرف انه خذا منكم وقت ومجهود، فيعطيييييكم العافية،
صعب اتنسقون جملة وجملة وانتو مشاءالله تفننتوا في هالشيء
وثالث شي طريقة السرد، يعني ماحسيت روحي وانا أتملل وأنا أقرا .
يمكن ذي أول موضوع أقراه من بدايته لنهايته بس ذي سر لاتعلمونه أحد .
صج استانست على السرد مبدعين الله يحفظكم، قلت أنتو فريقي المفضل؟ ::؟

حسيت انهم ماتعبوا روحهم في تسميتها.
- ها شتقوولون شنسميها؟
- لاتعب روحك يببه، على اسم القبيلة وخلاص، مش اللعب.
ومع ذلك الاسم مميز وغريب

امطار؟ لوسمحتوا انا غيرت رايي، مابي اسافر مناك أنا بهاجر مناك .

حسيت شي غريب شلون يتكلمون هولندي، مع انهم مو هولنديين . يمكن احتلتهم هولندا من قبل او شي جذي .

شسمه وين كنت، انروح لبلدتكم، جمال ساحر سبحانك ياربي.
https://www.anime-tooon.com/up/uploa...5863225442.png

جوفولنا صرفة ويا البانيو، ذي مومال سبوح .

سلفر اجوفها تدفع، سلفر غنية؟ ادفعيلنا تذاكر خلنروح هالديرة .

https://www.anime-tooon.com/up/uploa...6269722241.png
ذي مزارع القصب صح، اللي على الأرض شنو؟ لفتني . حجر ولا بقايا بناية ولا شنو همم.

محمية سورينام الطبيعية المركزية
الاااي ودوني عند الدرج المايي احذفوني هناك ولا ترجعون لي ::
وفيها قرود العنكبوت :0، شيطلع هالكائن؟

https://www.anime-tooon.com/up/uploa...6278830451.png

ذي لما جفته ع السريع *دزنييييييييي... لا مودزني لاند *
اخر شي طلع معبد .

https://www.anime-tooon.com/up/uploa...6253647741.png

نهر كومبونجني مادري كتبته صح أو لا .
ماينلامون السياح لوقرروا يأخذون جولة هنا ::
انا لو بركب وحدة من القوارب احتمال مارجع ::

يعطييكم ألف عافية على هالمجهود الجبار ،
واثقة انه مواضيعكم الياية بتكون بهالمستوى وأعلى إن شاءالله