Y a g i m a
السلام عليكم ورحمة الله وبركاته،
اهلا وسهلا بالفريق البنفسجي 
حبيت شعاركم، اللون يجنن وحركة اللمعة رهيبة ماشاءالله 
دايما أكثر شيء يجذبني للبلدان علمها، شنو تصميمه والألوان  .
وعلى ذا الأساس أقرر اذا حبيت الدولة أو لا 
وروسيا أحبها لانه باردة ومثلجة، ذي بالذات اللي نحتاجه حاليا  >مصلحة.
تنوع بالأكل يعني المزيدمن الأشياء اللذيذة لعيني
أراضيهم معظمها صالح للزراعة على عكس اليابان 
الباليني أعرفها، ذي عادة يقدمونها مع الفواكهة والجبن الكريمية، أنا أحب البانكيك يكون أثقل وامتن والجوكلت سوس يسيح فيه اخخ بس 
ماحب الكريمة الحامضة إلا مع التوست أي شي ثاني لا ماقدر اتقبله
مادري شلون يتحملون يدخلونه بكل أطباقهم
مدري ليش بس في مطاعم يحطونها مع البروستد أحسه مايناسب
الملفوف
انا بس تخيلت انه هالنتفة بيكون غداي دخت
ذي عقاب مو غدا :لا، قلبي يعورني على اللي بيتغدى عليه
دجاج كيف:
ذي ذقته بعد ماكنت أدري أنه روسي بالأصل.
لما ذقته كان وايييد مالح ، ذي اللي خرب عليه
بس الصوص داخل، يمممه شنو لذيذ؟
كعكة روسيا هذي كعكعة العسل،
ذي ادمنتها قبل سنة ، وين ما اروح واحصلهم يبيعونها لازم اشتريها
باليوم أكل ثلاث أربع قطع، فظيييعة جدا.
بس ودي أعرف شنو الفتات اللي يكون فوق، صاير كانت توست مطحون
الكباب الروسي:
هلا والله، هذي الصح المفروض ذي أول واحد تكتبون عنه  .
الوصفات المفروض تحطون الكباب ذا الأساس
الشاي الروسي ذكرني بعلية شاي شريتها قبل كانت بالقرفة والبرتقال، وتحسفت اني شريتها .
طعممه خفييف وغريب جدا .
ومع ذلك أسهل شي بالوصفة ممكن أطبقه
جمييل انكم حطيتو الكيكة لانها أحل شيء بالحياة
مدري اذا بقدر أطبق الوصفة لكن ان شاءالله بيوم من الأيام
وإضافتكم للمطاعم شي يديد وحبيت
جمميل انه يكون في مطعم باسم دمشق في دولة غربية
يالله موضوعكم جميل وصاير كأنه موسعة للمطبخ الروسي صج
يعطييكم العافية  ، ننتظر باقي مواضيعكم |
التعديل الأخير تم بواسطة Y a g i m a ; 08-22-2019 الساعة 06:58 PM |