عيون العرب - ملتقى العالم العربي - عرض مشاركة واحدة - رحله الي المطبخ الكاليدوني

**Florisa** · #8 08-25-2019, 03:55 AM

ههههههههه ضحكتني البدداية الحوار اللي بينكم ، تعرفوا هذا الجوعان هو أنا ! بس للحظ انا دخلت كل مواضيعكم
واجيت عن أخر جولة وهي الطبخ يلا دلللوني انا جد جعت والرحلة كانت متعة - تاخذ وضعية الحكم ببرنامج توب شيف-
اعطوني الأطباق يلااا لنشوف والأهم حلويات الشوكولا الفرنسية ، قبل ما نبدأ - تدقق بالنظر - كفووو ديدي تصميم رائع
ويخلي الواحد يجوع بأكثر خلاص حفظت تصميمك مافي داعي طير لأخر الموضوع لأعرف كل شخص فيه له
شي يميز ، بس وين رانيا مو شكلها هي اللي نسقت ؟ ولا تكاسلت بآخر موضوع
صراحة فكرة كتير حلوة جمع المواضيع بالمقدم ع شكل استقبال الزبون ، بس انا قصفتكم هههههه أجل أجل اعرفهم
هااااتو الأطباق يلا بسم الله نبدأ بأول طبق
1- الطماطم والباذنجان
الخلطة جاهزة بوعاء صغير ، نقطع البندورة والباذنجان في الصينية بعدها الخلطة وفوقهم جبن
طيب لحظة ! ما نقلي الباذنجان ؟ نحنا نشوي الباذنجان عنا بحالة وحدة لما بدنا نعمله متبل
الجبن مع البندورة ما مشكلة بس ما سبق وجربته بالباذنجان بس الجبنة مغرية
2- سلطة التونة ااا أقصد التهيهي مدري شو صعب اسمها
اولاً السمك مع الليمون والحار أتفق لذيذ مع اني ما كتير باكله مع الجزر والخيار لحد الأن تمام
بس حلييت جوز الهند معه ؟ - يغمى عليها - مستحييل اتقبله ، ممكن اتخطى السلطة بدون وافرم الجوز واضيفه لها
3- الحليب المكثفف ! هي نشتريها من الماركيت نسميها نسلة
ياااه اتذكر لما كان عمي يشتريها ويشتري علب بسكويت ويناديني ناكل سوا ههههه الله يرحم هديك الأيام
هلأ في نسلة بالبراد بس نحنا ما عدنا متل أيام زمان ، ما عاد اشتهينا شي - قلب مكسور -
4- فطائر الوفل
واااو بس كأن لازمها قالب لوحدها لحتى يصير بهالشكل المربع ؟ لو انهم يضيفوا الشوكولا مع الخلطة
وليس كالتزيين كانت طلعت أجمل وألذ - بس مقبول الطبق لا تضيفوا عليه سكر بل شوكولا من نوتيلا
5- فتوش ؟ والله جد فتوش ههههههههههههههه متت من الضحك
ياربي هي أكلتنا ، كنت متأكدة ان ففي عنا شي فرنسي بس نحنا نضيف للفتوش خبز مقلي وزيتون مقطع دوائر
ونرش عليه دبس رمان اممممممم مأطيبه كمان عنا بالبراد - تطير تجيبه - تاريك فرنسي يا فتوشي
6- فطيرة البريوش بالنوتيلا
شكلها مغري والنوتيلا تفقد الواحد الإحساس ، بكرة بجرب اعملها للأهل >> رح يظنوا نهاية العالم اقتربت
لما وصلنا لفقرة زبون ممل - ترفس رانيا- سمعتك اكلة القرنطيطة منيح اللي عرفتوني ع اكلة جزائرية
مشان ضل اعملها واكل منها لأتذكر الناس اللي بحبهم منظرها سرق قلبي الشرح باين طبخ حقيقي
انتي جد دخلتي المطبخ تصوري ؟؟
ربي يعطيكم العافية جميعاً يا حلوين استمتعتم بالأكل معكم مطعم تشيل فتحناه جنبكم تفضلوا بزيارتنا
وقت اللي تحبو - تعطيكم بطاقة المطعم - راقني مطعمكم وسأنصح كامل الفريق به - ترفع قبعتها - تحياتي
قائدة فريق الأجنحة الذهبية ، دمتم بخير يا أبطال