[ALIGN=CENTER][TABLETEXT="width:800px;background-image:url('http://www.arabsharing.com/uploads/156839268715882.png');"][CELL="filter:;"][ALIGN=center]

طلبوا مني بعض الأشخاص وصف أدق وأعمق للشتاء ! وصف أعمق من يلي وصفته
الشتاء يعني لي الكثير ، يعني لي الفيقة الصبح ولما أمي تسويلنا شاي ونقعد العيلة سوية نشرب شاي سوى على الطاولة !
وفجأة أبي بيقول لنا هسا بتتأخروا على المدرسة ، فنترك جلستنا العميقة وتبرد كؤوس الشاي
الشتاء يعني لي ، لما أمي كانت تجي تغطينا وإحنا صغار قبل ما ننام ! كانت تحط مليون لحاف علينا
ولما تقولنا الدنيا برا برد جدًا ، تدفوا منيح وما تتكشفوا ! احسن ما يصيبكم وبرد وتمرضوا يمّا
بتذكر جلساتنا العائلة جنب المدفأة ، اكل الكستناء وتناول أطراف الحديث ، أبي يقولنا أنزلوا جيبوا حطب من المخزن تحت
كنا وقتها نزعل ونقول لأبوي لاء يابا خلينا هون بالدفى مابدنا ننزل على البرد بس مع هيك ننزل وبقوة ..
مرات نجيب زي هذه يلي بيأكلوا عليها اليابانين وناكل جنب المدفأة وصوت المطر الغزير برا ! جو العائلة والجلسة مابيننا تحسسك بالدفئ وإنك بآمان ، حتى بأوقات عواصف البرق والرعد !
بتذكر واحنا صغار أمي كانت بدها تسافر الى فلنلدا ، عندها هناك اعمال وهيك وكان الجو وقتها في المنطقة عواصف برق ورعد وامطار غزيرة ، صرت أبكي وأترجى أمي ما تروح لأن كنت خايف يصير شي بالطائرة من شدة الطقس
بتذكر السنة الماضية اطلالة صفنا كانت على سهل مليان أزهار ، كنت كل يوم وكإني بسأل النباتات : كبرتي من المطر ؟
لما كنا نخلص استحمام ونروح جنب المدفأة كنت اصير احرك شعري يمين وشمال منشان الماء يلي على شعري يلامس سطح المدفأة ويتبخر بسرعة ويصدر الصوت - تست -
ولا ننسى ملابس الصوف والبيجامات أيه الشتاء عجل بقدومك اشتقت لك كثيرا كثيرا ومهما حكيت مارح أوصف سعادتي باليوم يلي رح ينزل بيه المطر الأول

[/ALIGN][/CELL][/TABLETEXT][/ALIGN]

وإنما الأممُ الأخلاقُ ما بقيّت ... فَإن همُ ذهبَتْ أخَلاقهم ذهَبوا

صراحة | مدونتي | هدية

سبحان الله | الحمدلله | لا إله إلا الله | سبحان الله وبحمده | سبحان الله العظيم