فاطِمةة الزَهرَاء
كيف حالك صديقتي x؟ 
إن شاء الله تكوني دائمًا بخير 
راحت عليّ تعديل المشاركة السّابقة ")
عشان هيك كتبت مشاركة جديدة
ياااه نزّلتِ فصلين وكلّ فصل رهيب أكثر من التااني بصدق رواية رائعة جدًا
بسم اللّٰه الرَّحمـٰن الرَّحيم
في البداية :
"هذهِ اللحظَة التي تكادُ تَقتُلُكَ الآن، ليستْ ذات قيمةٍ غدًا."
حسيت هااي العبارة فيها غموض من قبل ما أقرأ، مش عارفة كيف ما رح تكون اللحظة هاي إلهاا قيمة غدًا كونها خلتني عايش للغد ولرؤيته .. عشان هيك هي اللي دفعتني لأبدأ القراءة بشغف
وحتّى العبارة اللي في بداية الفصل الثامن كماان رغم كونها عبارة صغيرة بس بتتحدث عن أشياء كثيرة ومفهومها عميق
"تَأكد من واقِعكَ دائمًا؛ فجُزءٌ كَبيرٌ منهُ هوَ بالأصلِ سَراب."
يلّا نبدأ
وبالنّهااية حضّر كاروكو الطّعام  كلّ هااد عشاان يعرف مين!! حقه والله لو إنّي مكانه بعمل المستحيل كمان عشاان أعرف مين اللي شافني  وكانت صدمته كبيرة مثل صدمة ماهيرو لمّا حكاله كورا عن الموضوع، بس كونه عنجد حافظ أسرار مثل ما حكوا فما في مشكلة
والإشي الأهم هو المفتااح اللي لازم يوخدوه من أساهي وكيوشي، صار فضولي يقتلني لإنّي لازم أعرف شو قصة الكتااب وشو الإشي المهم فيه !!
المهم يتفقوا ع مكان بيوم الأحد عشاان نعرف
عنجد معهاا حق أساهي بإنّه إشي مزعج حدا يقدر يقرأ أفكارهاا لو إنّي مكانهاا ببطل أفكّر بإشي عشاان ما يقدر يقرأ إشي من أفكاري اللي ما بفكّر فيها
بس عجبني كلام كيوشي كتييير
"تنهد كيوشي ونهض بينما يقول
- حاولي الإعتياد على ذلكَ وكوني شخصية قوية ستكون حينها أفكاركِ قوية ولن يكون هناك ما يدَّعي القلق!"
فعلًا إذا كنت ذات شخصية قوية رح تكون أفكاري قوية وما رح أخجل من قراءة حدا لأفكاري بعدين
وعنجد صعب تنفيذهاا الكلام أسهل من الفعل، ومثل ما حكت أساهي: "يبدو كل شيءٍ بسيط لكن كل هذه البساطة مؤلمة! "
الحديث اللي دار بين ماهيرو وكيوشي بوجود كاروكو عشاان يتفقوا وين يتحدثوا، في عبارة أضحكتني جدًا
"حك كيوشي رأسه مهمهمًا
- حسنًا سأعتبر أني فهمت! "
لإنّي فعلًا كنت بدّي أحكي نفس الإشي إنّه الجملة شوي مش مفهومة بس فهمتهاا بالآخر
المهم الحمد لله اتفقوا ع مكان يلتقوا فيه وكان سريع كتير عثورهم عليه في المدرسة والليلة!! كيوشي راح لعمله وهم بنتظروه حاليًا عنجد أنا عن نفسي أصبت بالملل وأنا بنتظر فيه مثلهم بس معقول أم أساهي تكون هي السبب بالتخاطر تاعهم وإنّها كانت مشعوذة !!
وحلوة فكرة ماهيرو يغمضوا العين اليسرى أو اليمنى ويحاولوا يتخاطروا عشان يعرفوا إذا صح اللي حكاه كاروكو إنّه عينها اليمنى بتقدر تقرأ اليسرى والعكس!!
وبالنّهاية كانت فكرة غبية وسخيفة وما نجحت عاد توقّعت إنّها رح تزبط بس للأسف ما زبطت أبدًا، بس شو قصّة رين؟ معقول ظهر بالفصول السابقة وأنا مو منتبهة عليه .. وهلّأ أدركت إنّه أول ظهور له هون
بس حلو كيوشي من وهو صغير مع أساهي وبهتم فيها، بس للأسف مات والدهم  أنا مو مصدقة .. بس خلص عنجد شو قصة رين أشقر الشعر، أنا ارتعبت عنهم كتير، حدا يدخل عندي ع البيت ويحكيلي إنّه منيح وإنّه والدي مات مستحيل أصدقه، بس هو بحكي إنّه مش أي حدا وبعرف كتير أشياء، عنجد هاد لغز كبير جدًا ..
وكالعادة في جمل كتير بضحك عليهاا
"نهض كاروكو متمتمًا
- أخيرًا؛ أكادُ أبتكرُ كتابًا في رأسي من كثرةِ التفكير بمحتواه!"
أنا ابتكرت كتاب وخلّصت
ما توقعت إنّه أول موضوع يحكوا عنّه عن كشف كورا لعيني كاروكو، وكانت صدمة عمرها لأساهي وأنا متأكدة إنّها بتلوم بحالهاا كتيرر جدًا عشاان هي اللي جعلت من كاروكو يُهر عينيه، بس كيوشي معاه حق لمّا قال :
"أساهي دعينا نسمع التفاصيل؛ لا تغرقي بأفكاركِ من الآن!"
أنا أي موضوع بسمعه بغرق كتير بتفكيري حتّى لو حكالي الطرف التاني ما أفكّر ما بقدر إلّا أضل أفكّر .. بس عجبني ذكاء كيوشي لكونه كان متوقّع الأمر
كنت بتمنّى نعرف سر الكتاب بهدول الفصلين بس ليش!! لمتى رح نستنّى ") هاد أول لغز والتاني عن رين، شو قصّته بالزبط !!!
شكله رح يكون له تأثير جميل بالفصول التالية بتمنّى
وأخيرًا شكرًا كتير ع الفصلين الرائعين جدًا
الله يعطيكِ العافية ..
بانتظاركِ دائمًا وأبدًا
__________________
🔸ابتَسِم ، مادامَ حُزنُكِ لايهُمُ الآخَرينْ 🌟
التعديل الأخير تم بواسطة X ; 09-25-2019 الساعة 05:00 PM |