فاطِمةة الزَهرَاء
السّلام عليكم ورحمة اللّٰه وبركاته
كيفك x؟ 
إن شاء اللّٰه بخير 
- نفس المقدمة دائمًا 
بسم اللّٰه الرَّحمـٰن الرّحيم
فصل ونصف بس كانوا عن مليون فصل من الرّوعة اللي شفته فيها ياااه أحداث مرّة رهيبة وممتعة، استمتعت بكل كلمة وحتّى بكلّ حرف قرأته، مثل كإنّي كنت معهم .. دخلت على العالم اللي هم فيه وعشت كلّ تفاصيله وخاصة وهم مع الأستاذ 
احم احم "عقدة" بعد ما قرأت ما فهمت إيش بتقصدي من عنوانك .. هل هو الكتاب كيف هو معقّد من الداخل وبدّه تحليل لكل الحروف المطلسمة بداخله أم بتقصدي عقدة الشّبح اللي رآه الأستاذ مثل ما قالت أساهي
هااد لسا بس تحليل من العنوان من بعد القراءة، يلّا أكمّل
"النهاية ليست تلك التي في رأسك؛ قد تكون قبلها أو بعدها بكثير من المحطات .."
أنا عندي يقين إنّه أيّ إشي بتخيّله ما بيحدث وبيحدث العكس، عشان هيك دائمًا بتخيّل الأسوأ عشان يحدث الجيّد معي في أمور حياتي فكلامك صح أنا معك
وهلأ بعد نقاش بينهم قرروا إذا رجع كورا يستفسر من ماهيرو إنّهم يحكوله، عندي احسااس إنّه رح يكون له أثر عظيم في الرّواية ويساعدهم في أمورهم كونهم رح يخبروه هيك احساسي بحكيلي
وصحيح، أساهي ما بتعرفه رغم كونه بصفها .. فتى الحاسوب بتحكيله
وبالنّسبة للكتاب وأخيرًا عرفنا شو بداخله بس ما عرفنا الفائدة كونه بداخله حروف غير معروفة مثل الطلاسم، بس أتوقّع إنّه رح يكون في كتاب آخر مكمّل له يكون فيه فك لهاي الرّموز بس يكون له نفس المفتاح كمان ") مش عارفة كلّه محض تخمينات لا أكثر
بالمناسبة كمان .. حبّيت شخصية الأستاذ، بتخيّله بلبس نظّارات حلوة فكرة الإشي المشابه للتّحدي إذا كان في حدا في القبو أو لأ وثقة كاروكو رهيبة المهم بعد ما فاتوا الغرفة اللي بالقبو أو أيًا كان اسمها ووجدوا الشّبح الجبان طاف بسرعة واختبئ خلف الأستاذ !! فعلًا صدمة، يعني ما فهمت كيف هيك .. وليش خلف الأستاذ وما فرّ هاربًا !!
وبالنهاية هم ما رح يتعاقبوا بسبب رؤية الأستاذ للشّبح، معقول يكون الأستاذ من الغوكيو !! فش إشي مستحيل بروايتك يااه إذا كان هيك بصير إشي رائع جدًا وممكن يكون هو صاحب الكتاب الآخر اللي بحمل فك لشيفرة الكتاب الأول، أنا كذبت الكذبة وصدقتها
طيّب هلّأ هاد توقعي للجاي، ما قدرت أتوقع إشي تاني كونه الإشي اللي بتوقعه دائمًا خاطئ وبصير عكسه هلأ ننتقل لكيف بشوف الشخصيات ورأيي فيها.
كح كح
أولًا كاروكو، بتخيّله شخص قصير أطول بشوي من أساهي ولون شعره أسود، شخصيته كتيير حلوة وأنا بحب نوعه المستفز هاد أمّا أساهي فهو أقصر منه مثل ما حكيت وبتخيّل لون شعرها أحمر غامق أو خروبي مش عارفة أوصف اللون منيح بس اعتبريه توتي أدري دخّلت الألوان ببعضها شخصيتها هادئة أتوقع وما بتتكلم إلا بأشياء حاسمة يعني بالوقت المناسب وبالنسبة لماهيرو هو بتوقعه حدا نحيف وأطول من كاروكو، بتخيّل لون شعره بني وشخصيته بحبها لكونها مرحة دائمًا، وخاصة صراعاته مع كاروكو على أمور تافهة وأخيرًا كيوشي، بشوفه أطول واحد فيهم بس هو أسمن بشوي من ماهيرو يعني يُعتبر نحيف، بتوقّع شعره فضّي وشخصيته حلوة .. الشّخص العاقل
طبعًا ما بعرف إذا عمرك حكيتِ عنهم وعن شخصياتهم بس إذا حدا عن هاي الشّخصيات بإشي ووصفهم بتخيّلهم من عندي عشان أخلّي الأحداث عندي أحلى مثل ما بشوفها، لإنّي إذا بقرأ إشي بدخل فيه فلازم أتخيّل كلّ إشي عشان أستمتع بخيالي والقراءة، وحتّى لو تمّ وصفهم بطريبة أخرى أنا رح أضل أتخيّلهم بهاي الطريقة لإنّه أمتع بالنسبة لي
وعنجد بصراحة .. رواية فائقة الجمال، سلمت يداك حقًا على الفصل الرائع جدًا
في أمان اللّٰه ورعايته ..
بانتظار القادم
__________________
🔸ابتَسِم ، مادامَ حُزنُكِ لايهُمُ الآخَرينْ 🌟
التعديل الأخير تم بواسطة X ; 09-28-2019 الساعة 10:25 PM |