عيون العرب - ملتقى العالم العربي - عرض مشاركة واحدة - نوتاتٌ ذهبيّة Striving: Gokyo in tokyo•ll

**|تيتوس|** · #49 10-21-2019, 03:37 PM

بسم اللّٰه الرّحمـٰن الرّحيم
اللهمّ صلّ وسلّم وبارك على سيدنا محمد وعلى آله وأصحابه أجمعين

كيفك إكس-تشان؟
إن شاء الله تكوني دائمًا وأبدًا بخير
بالمناسبة، آسفة جدًا على التّأخير ..

بندأ، بالنّسبة للعبارة ما قبل الفصل
"جَميعنا نَعرفُ كيف سيكونُ المُستقبل وماذا سَيحدث وكل شيءٍ بغض النَظر عنِ التَفاصيل؛ لكننا نَدعي الجَهلَ ونَزعُم أنَّ حَياتَنا مُغامرات وستَتقلب كأنَها أمواجُ المُحيط!"
يعني الصّراحة مش عارفة من وين بجيكِ إلهام تكتبي هيك عبارات رائعة تحتوي على معاني عميقة ومعبّرة بشدّة وعلى الرّغم من ذلك تتحدّث عن واقع نعيشه حقًا، أبدعتِ

وهلأ الفصل المنتظر اللي انتظرته كتير لأعرف محتوى الكتااب بس لساا ما عرفت مدى أهميته اللي بتتحدّثي عنهاا .. المهم على طول كاروكو وافق يروح عندهم عشان فضوله ولو إنّي مكانه لعملت نفس الإشي كماان وأحلى إشي ماهيرو شو ضحكت عليه وفكّرت زي ما فكّر كاروكو إنّه رح يكون وصل البيت بس كان لساته على الدرج، شكله نام شوي بعدين قام
وضحكت ع لمّا حكى ماهيرو لكاروكو: "آسف أكنتَ تنتظر ذهابي لتخرج بموعدٍ لا تريدني أن أعلم بشأنه!" لوين راح تفكيره هالأبله
ومع هيك لمّا سحبه كان شبه نائم ومش مستوعب إشي وكماان لمّا وصلوا وانتبه كاروكو ع ملابسه بس عاد أنا متخيليتهم حلوات، ملابس الرّياضة تصلح لأي إشي من وجهة نظري
وهاد الاقتباس حبّيته وضحكت عليه بنفس الوقت :"طرق ماهيرو الباب متجاهلًا صاحبه الذي بدت نكتته ثقيلة على قلبه المتعب!"
جد إنهم ثنائي رائع ومضحك في نفس الوقت
وهااي الجملة كماان
"أتظن أن لدينا شيئًا يستحق أن ندعوكما عليه في هذا الوقت غير أننا متأكدين من أنها نفس الأحرف!"
شكلي رح أخلّي الرّد كلّه اقتباسات
المهم الصّراحة يعني وهم بترجموا حروف مقدمة الكتاب وكلّ جملها حسّيتهم بحولوها من طلاسم لطلاسم أخرى
كيف يعني رح يستعملوا الطّرق الفرعيّة عشان يحققوا رغباتهم واللي أحدها التعاويذ، إذا كان التعاويذ طريقة واحدة فقط فإذا هيك رح يكون عدّة طرق وطبعًا بما إنّك رح تجيبي سيرتهم كلهم فرح يتم تطبيقهم كلهم تقريبًا، ع هااي الحالة كم فصل روايتك رح تكون؟!!
حاليًا التعاويذ اللي هي الطّريقة الأولى تحتوي على ثلاث مجموعات (كاست/دريست/ميبوست) واكتشفت إنّه أسماؤهم الثلاثة آخرها (ست) >>شو هالإكتشاف العظيم
ممكن هي رمز لإشي ولا بس هيك حطّيتِ أسماؤهم!!

وهلأ مش عارفة تخيّلت آبائهم وانتِ بتحكي عن إنّه الكتاب تم تأليفه في بعدين متصلين بعامود تخيّلت إنّه البعدين هم أولًا العالم اللي هم عايشين فيه وعالم الغوكيو وإنه أي حدا إذا انتقل للعالم اللي هم فيه وبده يرجع لعالم الغوكيو تنتقل روحه إلى ما وراء الحياة وبرجع جسده وحده، فممكن تعديل على تحليلي اللي قبل إنهم قتلوا الشرطة ونتيجة رغبتهم بالعودة لعالمهم ومحاولتهم انتقلت روحهم إلى ما وراء الحياة ورجعت أجسادهم وحدها وهاد ممكن يكون تفسير لعدم وجود أجسادهم أو اختفائهم الكلّي، وإذا مش هيك أنا متأكدة إنّي ألّفت رواية جديدة
وكمان حبّيت هاي العبارة، وللعلم سرقتها "لكل شيء ثمن حتى للمحاولات ثمن!"

وقصّة تبديل الفصائل عجبتني بس حلو كونهم ما بدهم يبدلوا فصائلهم وكونه هم حاليًا راضيين بأنفسهم كنصف ومن الجيّد إنه ما إلها سلبيات، آخر إشي تم ترجمته (عين .. ألف) شو يعني عين وألف كماان !! إشي غريب

• تعليق على كلاامك
أكيد لا بأس إنّك تأخرتِ يوم واحد بس وحتّى لو متشددة على نظامك مش مشكلة أبدًا كلّه يوم واحد، وهي أنا تأخرت بالرّد، ولا أخفي عليكِ أشعر بالخجل لتأخري، المهم عشان هيك ما تعاقبي حالك وتنزلي فصل جديد، مش عارفة كيف تتطاوعني نفسي بالحماس اللي فيي أخلّيكِ ما تنزلي فصل، بس للأسف هااد الإشي عشاني وعشاانك كمان، ما رح أقدر أقرأه خلال الأسبوع وما بدّي يتراكم عليّ فصول وأقرأهم بلا فهم ولا حبّ، لهيك لا تعاقبي حالك أبدًا وأنا أساسًا بكون عارفة يا يوم الجمعة أو يوم السبت الفصل الجديد بكون يعني باعتبار إنّك ما تأخرتِ أبدًا، وكمان أصلًا أنا لازم أشكرك على متابعتك بإنزال الفصول باستمرار وعدم التّهاون .. وبالنّسبة للجائزة الخاصة بالأربعة أسابيع ما بدّي أي إشي منّك صديقتي لإنّي ما بتابعك عشان النقود خاصتك أو اللون، كلّ اللي بهمني إنّه تخلصي الرّواية وأشبع فضولي وأنتهي من رواية من أعظم الرّوايات التي قرأتُها على الإطلاق
ومثل ما حكيتلك لا تعاقبي حاالك، الجمعة رح أكون بانتظار الفصل القادم على أحرّ من الجمر
بانتظاركِ

سبحانكَ اللهمّ وبحمدكَ، أشهدُ أن لا إلـٰه إلا أنتَ، أستغفركَ وأتوبُ إليكَ