احم احم كيفك يابنت شو اخبارك ..؟

الحقيقة هاد اول رد الي بعد مارجعت للمنتدى دخلت كلية الاقتصاد ورجعت

احم احم نسيت فن الرد لهيك بدك ماتواخذيني

المهم نروح للمهم

اولاً شكراً عالدعوة الحلوة

الشطرنج هواية حلوة ممتعة ومفيدة بنفس الوقت باختصار اللعبة يلي بترضي الاهل والولد بنفس الوقت << عن تجربة شخصية

حتى انها بتقوي روح المنافسة بشكل ايجابي بين الكل بس بدها روح معنوية عالية

نبدأ من العنوان : العنوان حلو وبيوصف فائدة وجمال اللعبة باختصار رياضة لازمة للعقل متل ما التمارين اليومية بتلزم للجسم << مع اني مقصرة بحقها

التنسيق : احترافي حلو ومرتب من الصورة الكيوت يلي اخترتيها الى الوان وتناسق الخطوط مع الخلفية << ماتعرف اسمائهن

بالاضافة للصور التوضيحية يلي اضفتيها باختصار كل شي كان بيرفكت

المدخل كان بسيط وفيه تحذير مهم للعبة اهمال اي قطعة ممكن يكلفك اللعبة كلها

تعريفك عن الشطرنج ولفظه كان حلو وبسطتيه بعيداً عن التعقيد يلي عنجد بيشجع انو الواحد يتعلم اللعبة يابنت لازم علق على اسلوبك اللغوي الحلو والمترابط بشرح اللعبة " class="inlineimg" />

الحقيقة ولا مرة عنجد دققت بعدد مربعات الشطرنج او عدد الاعمدة والصفوف هي اول مرة بعرف انو في 64 مربع برقعة الشطرنج <<تصدقي ؟ مع انو بلعبها من شي 10 سنين
مع الاسف هملت اللعبة وبقيت كهواية بتذكرها كل كم اسبوع عدد يلي بيلعبوها بانتظام من البالغين بهرني كيف بيضل الهم بال بس بدك الصراحة شي مشجع تعرفي انو في كل هالعدد مهتم برياضة العقول
مضحك بالحقيقة كيف ترتيب قوى احجار اللعبة مشابه للحقيقة

الجنود او البيادق اضعف الشي لان بيتم التضحية فيهم

الملكة اقوى الشي ما النساء هنن القوى الخفية

الابيض بيبدا اللعبة لهيك مابحب العب فيه

بتعرفي هي اول مرة بسمع بحركة الاخذ بالتجاوز

على هالحالة كان لازم اربح منافسات خيرات الله

حبيت كيف ذكرتي حركة كل حجر بالتفصيل مع ذكر شروط اللعبة فيها توضيح كبير ليلي بيعرف اللعبة من قبل او مابيعرفها عالحالتين تلاقي معلومات جديدة
اهه من الترقية بتعرفي شقد بواجه صعوبة لما بدي رقي شي جندي بالاخص لما افقد الملكة

افضل جزء عندي لما قول كش بالاخص لما العب مع حدا بدي غيظو

احس جهدي جاب نتيجة وبالاخير بالمنافسات العالمية مابيقولوها<< افهم انو قصة اخلاقية بس يا اختي الها لذة
المخرج حلو بس عطاني الاحساس الظالم باني مالي لاعبة لا تكتيك ولا استراتيجية << ع قولتنا نحن السوريين لاعبة هات ايدك ولحقني يعني يادوب مشي حالي
وبالاخير شكراً لجهودك وااضحة
طولت عليكي ماا بدك تتحمليني واجبك

Never say That wont happen to me. Life has a funny way of proving us wrong



مدونتي
ماتخبئه لنا النجوم